Тиббий хизматда электрон тизимларга ўтиш – нафақат иш самарадорлигини оширади, балки қоғозбозликни камайтиради, шу орқали табиат муҳофазасига ҳам ҳисса қўшади.

Шу жиҳатдан, экологик ёндашув асосида иш олиб борилаётган тиббиёт муассасалари депутатлар диққат марказида бўлмоқда.

ЎЭП фракцияси аъзолари, Олий Мажлис Қонунчилик палатаси депутатлари Ойбек Раҳимов ва Бахтиёр Пўлатовлар Бухоро вилояти Вобкент туманидаги Шакаркент маҳалла фуқаролар йиғини ҳудудида жойлашган ижтимоий дорихона фаолияти билан танишдилар.

Ўрганиш давомида туман аҳолисига хизмат кўрсатаётган 18 та тиббиёт муассасаси, жумладан, марказий шифохона, диспансерлар, оилавий поликлиникалар ва маҳалла тиббиёт пунктлари фаолияти кўриб чиқилди. Электрон тизимларга босқичма-босқич ўтиш орқали нафақат тиббий хизматнинг шаффофлиги, балки экологик самарадорликка эришиш мумкинлиги таъкидланди.