Бухоро инновациялар университетида халқ депутатлари Бухоро вилоят Кенгаши депутати Жаҳонгир Шарипов иштирокида талабалар билан учрашув ташкил этилди.

Мазкур учрашув очиқ мулоқот тарзида ўтказилиб, ёшлар фаоллигини ошириш, экологик маданиятни шакллантириш, атроф-муҳитга масъулиятли муносабатни тарғиб қилишга қаратилди.

Депутат мамлакатда ёшларга яратиб берилаётган имкониятлар, ижтимоий-иқтисодий ислоҳотлар билан бир қаторда, атроф-муҳитни муҳофаза қилиш ва иқлим ўзгаришига мослашиш борасида амалга оширилаётган чора-тадбирлар ҳақида ҳам тўхталди. У бугунги кунда ҳар бир фуқаро, айниқса ёш авлод экологик билим ва кўникмаларга эга бўлиши зарурлигини алоҳида таъкидлади.

Талабалар томонидан экологик саводхонликни ошириш, яшил технологиялар, қайта тикланувчи энергия манбаларидан фойдаланиш бўйича таклиф ва мулоҳазалар билдирилди.