Глобал иқлим ўзгариши, аҳоли сонининг ўсиши ва иқтисодиёт тармоқларининг кенгайиши, сувга бўлган талабнинг ортиб бориши ва сув ресурсларининг тақчиллиги йилдан-йилга кучайиб бормоқда.

Бундай вазиятда аҳоли ўртасида экологик маданиятни ошириш ва бунда ёшларнинг ролини кучайтириш катта аҳамиятга эга.

Ўзбекистон Экологик партияси Узун туман партия ташкилоти томонидан мана шундай муаммоларнинг олдини олиш ҳамда ёшларнинг экологик маданиятини, ижтимоий-сиёсий фаоллигини оширишга қаратилган қатор тарғибот тадбирлари ўтказилмоқда.

Куни кеча тумандаги Агротехникумда бўлиб ўтган тадбирда аҳолининг қулай атроф-муҳитга эга бўлиш ҳуқуқини таъминлаш, она табиатимизни келгуси авлодга соф ҳолда етказиш, табиий ресурлардан оқилона фойдаланиш каби ҳаётий мақсадларнинг аҳамияти ёшларга атрофлича тушунтирилди.

Шунингдек, тадбир давомида ўқувчилар ўзларини қизиқтирган саволларга тўлақонли жавоб олдилар.