Янги Наманган ва Янгиқўрғон туманларини боғловчи, «Келажак тонги» маҳалласи ҳудудидан ўтувчи бир километрдан ортиқ йўл бўйи чиқиндиларга тўлиб кетгани маҳаллий аҳолининг эътирозларига сабаб бўлаётган эди.

Ушбу муаммони халқ депутатлари Янгиқўрғон туман Кенгаши депутати Равшанбек Мирзалиев жойига чиқиб ўрганди.

ЎЭП Янги Наманган туман кенгаши, Экология бўлими ва Фавқулодда вазиятлар бўлими вакиллари ҳамкорлигида масала жойида ҳал этилиб, «Келажак тонги» маҳалласи ҳудудидан ўтувчи йўл чиқиндилардан тозаланиб, обод ҳолатга келтирилди.

Шунингдек, ЎЭП Наманган вилоят ва Наманган шаҳар кенгаши ҳамда «Ҳаёт нафаси» волонтёрлик ҳаракати ҳамкорлигида плогинг акцияси ўтказилди.

Акция учун Янги Наманган туманининг чегара ҳудуди танлаб олинди. Иштирокчилар ушбу ҳудудда чиқиндиларни йиғиб, табиатга бефарқ эмаслик ва экологик маданият намунасини кўрсатишди.