Сешанба
25-Август 2026
Андижон вилояти Экология, атроф-муҳитни муҳофаза қилиш ва иқлим ўзгариши бошқармаси томонидан Хўжаобод туман «Хидирча» МФЙ саноат ҳудудида жойлашган «Shans» МЧЖда Ўзбекистон Республикаси Президенти ҳузуридаги тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девони рухсатномасига асосан хизмат текшируви ўтказилди.
Текшириш жараёнида оҳак пишириш печида табиий газ ёнишидан ҳосил бўладиган моддаларни ушлаб қолувчи чанг-газ тозалаш ускунаси (фильтр) яхши ишламаслиги, бунинг оқибатида атмосферага ташланаётган ташламалар миқдори меъёридан ортиқча экани аниқланди ва корхона раҳбарига нисбатан Ўзбекистон Республикаси МЖтКнинг 86-моддаси 1-қисми билан базавий ҳисоблаш миқдорининг уч баробари миқдорида маъмурий жарима қўлланилди.
Бироқ корхона раҳбари ушбу чорадан кейин ҳам тегишли хулоса чиқармади, яъни чанг-газ тозалаш ускуналарини янгиси билан алмаштирмади ва аҳолининг норозилигига сабаб бўлди. «Shans» МЧЖ юборилган талабномани ҳам эътибордан четда қолдирди.
Ўзбекистон Республикаси «Табиатни муҳофаза қилиш тўғрисида»ги Қонуни 25-моддасига мувофиқ, давлат экологик экспертизасининг ижобий хулосасини олмаган корхона ва ташкилотларнинг фаолият юритишлари мумкин эмас.
Қонун талабларига бўйсунмагани, давлат экологик экспертизаси ижобий хулосасини олмасдан фаолият юритиб келаётгани учун Хўжаобод туманида жойлашган «Shans» МЧЖ фаолияти Хўжаобод туманлараро иқтисодий суди қарорига асосан экспертизанинг ижобий хулосасини олгунга қадар вақтинчалик тўхтатилди.
Экологик партия Жиззах вилоят кенгаши раиси Акрам Раҳмонқулов Жиззах шаҳридаги «Турон» маҳалласида бўлиб, «Маҳаллада ободлик ва меҳр-саховат ойлиги» доирасида амалга оширилаётган ободонлаштириш ишлари, хонадонлар ва томорқа ер майдонларидан самарали фойдаланиш ҳолати билан яқиндан танишди.
Батафсил
Экологик партия Сирдарё вилоят кенгаши раиси Ойбек Каримов иштирокида Алишер Навоий номидаги Сирдарё вилояти Ахборот-кутубхона марказида «Стартап ва инвестиция экотизими» мавзусида раҳбар ва ёшлар учрашуви бўлиб ўтди.
Батафсил
Саноат ҳудуди деганда кўпинча фақат иш жараёни ва шовқин кўз олдимизга келади. Аммо атроф-муҳитнинг софлиги айнан шундай ҳудудлардан бошланиши, бу ерда ҳам санитария ва экологик тартиб устувор бўлиши лозим.
Батафсил
Экологик партия Жиззах вилоят кенгаши раиси Акрам Раҳмонқулов Жиззах шаҳридаги «Турон» маҳалласида бўлиб, «Маҳаллада ободлик ва меҳр-саховат ойлиги» доирасида амалга оширилаётган ободонлаштириш ишлари, хонадонлар ва томорқа ер майдонларидан самарали фойдаланиш ҳолати билан яқиндан танишди.
Экологик партия Сирдарё вилоят кенгаши раиси Ойбек Каримов иштирокида Алишер Навоий номидаги Сирдарё вилояти Ахборот-кутубхона марказида «Стартап ва инвестиция экотизими» мавзусида раҳбар ва ёшлар учрашуви бўлиб ўтди.
Саноат ҳудуди деганда кўпинча фақат иш жараёни ва шовқин кўз олдимизга келади. Аммо атроф-муҳитнинг софлиги айнан шундай ҳудудлардан бошланиши, бу ерда ҳам санитария ва экологик тартиб устувор бўлиши лозим.
Дунёда тобора оммалашиб бораётган «плогинг» – шунчаки спорт ёки оддий тозалик тадбири эмас. Бу саломатлик учун югуриш билан бирга атроф-муҳитга бефарқ бўлмаслик, ҳар бир одимда она табиатга меҳр ва масъулият кўрсатиш демакдир.
Болалар тарбияланадиган масканда тоза ичимлик сувнинг узлуксиз бўлиши жигаргўшаларимиз саломатлиги учун энг бирламчи ва ҳаётий заруратдир.
