Олий Мажлис Қонунчилик палатаси депутати Гулчеҳра Тажибаева ҳамда ЎЭП Жиззах вилоят кенгаши раиси Азиз Раҳмонқулов «Нурли маскан» болалар мактаб-интернатида бўлиб, у ердаги таълим жараёнлари ва яратилган шароитлар билан танишди.

«Нурли маскан» болалар мактаб-интернати – билимга чанқоқ, иқтидорли ўқувчиларни бирлаштирган даргоҳ. Ташриф давомида депутат ва партия раҳбари муассасадаги ўқув жараёнларини кузатиб, фарзандларимизга қандай имкониятлар яратилгани билан танишди. Интернатда таълим олаётган ёшлар нафақат дарсларга, балки ижодга ҳам катта қизиқиш билан ёндашади.

«Нурли маскан»даги ёшлар нафақат таълим олишмоқда, балки маданият ва санъат ривожига ҳам ҳисса қўшишмоқда. Улар эртанги кунимизнинг асосий таянчи, буюк ютуқларнинг пойдевори. Депутат ва партия вакилларининг ташрифи эса ёшларимизга ишонч ва рағбат бағишлади. Бу эътибор келажакда янги иқтидорларни кашф этишга ва уларни юксалтиришга замин яратади.