Олий Мажлис Қонунчилик палатаси депутати, ЎЭП фракцияси аъзоси Наврўзбек Юсупов Андижон вилоятининг Избоскан туманида бўлиб, аҳолини қийнаётган масалалар, иқтисодий, ижтимоий ва экологик йўналишда олиб борилаётган ишлар билан танишди.

Жумладан, «Янги Бўстонобод» МФЙ ҳудудида аҳолини тоза ичимлик сув билан таъминлаш мақсадида янги қазилаётган сув қудуғини ковлаш ишлари билан яқиндан танишди. Ушбу иншоот ишга тушса маҳалла аҳолиcи тўлиқ тоза ичимлик сув билан таъминланади.

Депутат 21-умумий ўрта таълим мактабида бўлди. Ўқувчиларга яратилган шарт-шароитлар, давлат таълим стандартлари асосида берилаётган таълим жараёни бўйича мавжуд аҳвол жамоатчилик назорати асосида ўрганилди. Шунингдек, «Чўртонлиқ» МФЙда тадбиркор томонидан давлат хусусий шериклик асосида қурилаётган болалар боғчасида бажарилаётган ишлар билан танишди.

Олий Мажлис Қонунчилик палатаси депутати, ЎЭП фракцияси аъзоси Азизбек Акбаров Андижон вилояти Балиқчи туманининг «Сарновул» маҳалласидаги фуқаролар хонадонларида бўлиб, камбағалликни қисқартириш, аҳолини ижтимоий қўллаб-қувватлаш ва бандлигини таъминлаш борасидаги ишлар билан танишди.