Яқинда Фарғона шаҳар А.Яссавий кўчасида жойлашган «Фарғона Лайли Наҳор» хусусий корхонасига қарашли АЁҚШда авария ҳолати оқибатида алангаланиш содир бўлгани ва бу инсонлар ўлимига олиб келгани барчамизни жиддий ташвишга солди.

Бу фожиадан зарур холосалар чиқариш, келгусида бундай фалокатли ҳодисалар юз бермаслиги учун зарур чоралар кўриш тегишли ташкилотлар олдида турган муҳим вазифа ҳисобланади.

Ушбу ҳолат бўйича Олий Мажлис Қонунчилик палатаси депутати, Ўзбекистон Экологик партияси фракцияси аъзоси Жавлон Абдуллаев томонидан АЁҚШни лойиҳалаштириш, қуриш ва реконструкция қилиш ишлари қонун нормаларига мувофиқ амалга оширилганлигига аниқлик киритиш, бундай ҳодисалар бошқа такрорланмаслиги ва уларнинг олдини олиш масалалари юзасидан Ўзбекистон Республикаси Вазирлар Маҳкамаси ҳузуридаги Саноат, радиация ва ядро хавфсизлиги қўмитасига депутат сўрови юборилди.