Қорақалпоғистон Республикаси Жўқорғи Кенгеси ва Вазирлар Кенгаши ташаббуси билан Қорақалпоғистонда Оролбўйи ҳудудини яшил маконга айлантириш мақсадида ушбу умуммиллий лойиҳага старт берилди.

Унда иштирок этаётган Ўзбекистон Экологик партияси фаоллари Л.Сейтова, экопартия ­Қорақалпоғистон Республикаси партия ташкилоти Кенгаши раиси А.Бегимова, бош мутахассис Б.Жиенбаев ва депутатлар лойиҳанинг аҳамияти ҳамда экологик барқарорликни таъминлашдаги ҳиссаси ҳақида жойларда тушунтириш ишлари олиб боришмоқда.

Лойиҳа давомида  ҳудуд иқлимига мос кўчатлар экилишига катта эътибор қаратилмоқда. Хусусан, қайрағоч, шумтол, жийда, туранғил, саксовул, тут терак каби маҳаллий дарахт навлари билан бир қаторда айлант, оқ акация, маклюра, гўзал каталпа, хилокаталпа, софора каби иқлим шароитларига мослашувчан кўчатлар экиш ҳам йўлга қўйилмоқда.