Экологик ислоҳотларда ҳар бир фуқаронинг, жамоатчиликнинг, фаол ёшларнинг ўрни салмоқлидир. Учкўприк туманида ташкил этилган Олий Мажлис Қонунчилик палатаси ва маҳаллий кенгашларга номзодлар ва сайловчилар ўртасидаги учрашувда шу масала диққат марказида бўлди.

Тадбирда халқ депутатлари вилоят, туман Кенгашлари депутатлигига кўрсатилган номзодлар, корхона-ташкилотлар ходимлари, «Ёшлар қаноти» аъзолари, ОАВ вакиллари иштирок этди.

Дархтларнинг ноқонуний кесилиши, табиат ресурсларидан нолегал тарзда фойдаланиш, хонаки ва ёввойи ҳайвонларга нисбатан тажовузкорона хатти-ҳаракатлар жамоатчиликнинг ўз ўрнида ва тезкор тарзда билдирган зарур муносабати билан барҳам топиши мумкин.

«Табиат учун бирлашайлик!» шиори остида ўтказилган йиғилишда Сайловолди дастури, унда белгиланган мақсад вазифаларнинг бугунги кундаги долзарб аҳамияти ҳақида сўз борди. Сайловолди дастуридан жой олган ҳар бир йўналишнинг экологик муаммоларни ҳал этишдаги роли муҳим экани таъкидланди.

Учрашувда ОАВ ва жамоатчилик вакиллари, экофаолларнинг таклифлари ҳам ўртага ташланди. Улар атроф-муҳит муҳофазаси ҳақида ўз фикр-мулоҳазаларини билдиришди.