Мамлакатимизда сиёсий жараёнлар яқин. Бунда ўз олдига катта марра, мақсадлар қўйган партиямизнинг дастур ва мақсадларини ёшлар астойдил қўллаб-қувватламоқда.

Уларни янада фаолликка чорлаш, ҳамкорликдаги алоқаларни рағбатлантириш мақсадида вилоятимизнинг турли ҳудудлари бўйлаб учрашув, давра суҳбатлари ўтказиляпти. 
Куни кеча ҳам ана шундай тадбирлардан бири Фарғона шаҳрида жойлашган «Янги Ўзбекистон» массиви, Экошаҳарда ўтказилди. 
Маьлумки, 2023 йилнинг якунида Фарғона вилояти бўйича партия аъзолари 37 мингдан зиёд эди. Олиб борилган ҳамкорлик тадбирлари, лойиҳалар, асосийси, халқ ишончи сабаб 2024 йилиннг 6 ойи давомида бу кўрсаткич 47 мингга етди. Эндигина беш ёшга тўлган партиямиз сафида бугун 18 мингдан ортиқ ёш мавжуд. Таклиф ва ташаббуслар, умумжамият муаммоси бўлган экологик масалалар, уларнинг ечими борасида ёшлар аниқ фикрга эга.
Тадбирда сўз олган партия фаоллари айни масалаларда фикр билдиришди. Ўтган беш йил давомида амалга оширилган ишлар, эришилган натижалар, ютуқ ва камчиликлар таҳлил қилинди. 
Тадбир якунида партия сафига янги аъзолар қабул қилиниб, ташаббускорлар эсдалик совғалари билан тақдирланди. Эслатиб ўтамиз, ҳудудлар бўйлаб бу каби тадбирлар давом этмоқда.

Гулрухсор ОМОНДИНОВА
ЎЭП Фарғона вилоят 
партия ташкилоти
бош мутахассиси