Пайшанба
23-Октябр 2025
Вазирнинг парламент сўровига юборган жавоби кўриб чиқилди
«Бугун 10 минг 165 та умумий ўрта таълим мактабининг 9 минг 85 тасида тиббий хоналар мавжуд. Уларнинг 7 минг 766 таси барча зарур жиҳозлар билан таъминланган...»
Бу маълумот мактабгача ва мактаб таълими вазири Ҳ.Умарованинг парламент сўровига йўллаган жавобида келтирилган. Олий Мажлис Қонунчилик палатасининг 2024 йил 31 май куни бўлиб ўтган мажлисида мактабгача ва мактаб таълими вазирига «Умумий ўрта таълим ташкилотларида болаларга тиббий хизмат кўрсатиш ҳолати тўғрисида» Қонунчилик палатасининг парламент сўрови юборилган эди.
Вазирдан умумтаълим мактабларида тиббиёт хоналари фаолиятини йўлга қўйиш, уларни зарур тиббий жиҳозлар, дори-дармон воситалари билан таъминлаш борасида амалга оширилаётган ишлар ҳолати юзасидан асослантирилган тушунтиришлар бериш сўралганди.
Қонунчилик палатасининг навбатдаги мажлисида депутатлар мазкур парламент сўровига юборилган жавобни кўриб чиқишди.
Унда келтирилишича, мактабларда ўқувчилар учун тиббий хизматни ташкил этиш, уларга тиббий ёрдам кўрсатиш масалалари масъул вазирликларнинг тегишли қўшма қарори билан тартибга солинган.
Умумий ўрта таълим мактабларига ҳудудий туман (шаҳар) кўп тармоқли марказий поликлиникалар томонидан режа асосида шифокор ва ҳамширалар бириктирилган.
Юртимиздаги 10 165 та умумий ўрта таълим мактабида шифокорлар 6 357 нафарни, ўрта тиббий ходимлар 10 176 нафарни, стоматологлар 252 нафарни ташкил этмоқда.
Шу билан бирга, бугунги кунда Мактабгача ва мактаб таълими вазирлиги тасарруфидаги 10 165 та умумий ўрта таълим мактабининг 9 085 тасида тиббий хоналар мавжуд. Уларнинг 7 766 таси барча зарур жиҳозлар билан таъминланган. Қолганлари қисман жиҳозланган. Мазкур тиббий хоналарни 36 турдаги дори воситалари билан таъминлаш мақсадида маҳаллий бюджет маблағлари ҳисобидан 7,8 млрд. сўм, тиббий буюмлар харид қилиш учун 116 млн. сўм ажратилган.
Вазир жавобида келтирилишича, Соғлиқни сақлаш вазирлигининг профилактик эмлаш календарь режаси асосида ўқувчиларни ёшига мувофиқ эмлаш ишлари, умумий ўрта таълим муассасаларининг ўқувчилари ўртасида бир йилда бир маротаба тор мутахассислар иштирокида чуқурлаштирилган тиббий кўрик ўтказилмоқда. Шу билан бирга, 1 — 4 синфларда йилда бир маротаба 100 фоиз гижжага қарши текширувлар олиб борилмоқда.
Мажлисда парламент сўровига жавобда кўтарилган масалалар бўйича атрофлича маълумотлар тақдим этилганлиги қайд этилиб, мактабгача ва мактаб таълими вазирининг жавоби маълумот учун қабул қилинди.
Рақамли иқтисодиёт трансформацияси шароитида «Сервис давлат» тизими давлат хизматларини кўрсатиш самарадорлигига қандай таъсир кўрсатаётгани, уларни нафақат қулай, балки экологик жиҳатдан ҳам тозароқ қилиш масаласи айниқса долзарбдир.
Батафсил
«Телевизорни пасайтир!», «Секинроқ гапир, бақирма!», «Шовқин солма!», «Деразани ёп, жудаям шовқин!..»
Батафсил
Мамлакатимизда аҳолининг автомобилдан фойдаланиши муттасил ўсаётгани яхши кўрсаткич албатта. Бироқ, бу ўз навбатида янги экологик ва иқтисодий муаммоларни вужудга келтирмоқда. Шулардан бири – автомобиль шиналари чиқиндиларини утилизация қилиш масаласидир.
Батафсил
Рақамли иқтисодиёт трансформацияси шароитида «Сервис давлат» тизими давлат хизматларини кўрсатиш самарадорлигига қандай таъсир кўрсатаётгани, уларни нафақат қулай, балки экологик жиҳатдан ҳам тозароқ қилиш масаласи айниқса долзарбдир.
«Телевизорни пасайтир!», «Секинроқ гапир, бақирма!», «Шовқин солма!», «Деразани ёп, жудаям шовқин!..»
Мамлакатимизда аҳолининг автомобилдан фойдаланиши муттасил ўсаётгани яхши кўрсаткич албатта. Бироқ, бу ўз навбатида янги экологик ва иқтисодий муаммоларни вужудга келтирмоқда. Шулардан бири – автомобиль шиналари чиқиндиларини утилизация қилиш масаласидир.
Бугун дунё аҳли табиий ресурслардан оқилона фойдаланиш экологик барқарорликнинг асоси эканини якдиллик билан эътироф этмоқда. Юртимизда бу борада янги ислоҳотлар жорий этилаётгани мамалакат равнақи учун долзарб қадам сифатида қараляпти.
Биз ўзимизни «болажон халқ» деб биламиз. Фарзандимизнинг кулгусидан олам чароғон бўлишига, унинг беғубор нигоҳидан қалбларимиз эришига ишонамиз. Ҳар бир болани «жигарбандим», «кўзимнинг оқу қораси» дея ардоқлаймиз. Аммо шу муқаддас туйғулар пардаси ортида аччиқ ва шафқатсиз ҳақиқат яшириниб ётганини тан олиш вақти келмадими?
