Мазкур саволга жавоб олиш ва ушбу йўналишда қилинаётган ишлар билан танишиш мақсадида Олий Мажлис Қонунчилик палатаси депутати Мухторжон Ҳожиматов ва бош­чилигидаги ишчи гуруҳ вакиллари Наманган шаҳар ҳудудида жойлашган, капитал ва жорий таъмирга тушган бир қатор муҳим объектлар ҳолати билан танишди.

Хусусан, Наманган шаҳридаги 27 ва 30-умумий ўрта таълим мактаблари мисолида юқорида келтириб ўтилган саволга жавоб изланди.

У ердаги экологик ҳолат қониқарли экани, қурилиш ишлари белгиланган тартибда, режа асосида амалга ошаётгани аниқланди.

Шунингдек, депутат шаҳарнинг яна бир муҳим жойлашув объекти бўлган марказий поликлиникада ҳам бўлиб, мавжуд ҳолатни кўздан кечирди. Поликлиникада қуриш ишлари жадал кетаётгани, ишлар сифатли ва тартибли амалга оширилгани, ишлаётган ишчиларда ҳеч қандай шикоят йўқлиги аниқланди.

Ишчи гуруҳ вакиллари Наманган шаҳридаги маҳаллаларда «маҳалла еттилиги» фаолияти билан ҳам танишишди. Хусусан, ишчи гуруҳ «Илғор» «Баҳор», «Ҳақиқат» ва «Бўстон» маҳалла фуқаролар йиғинларида бўлди.

Танишиш давомида аҳоли бандлиги, чиқиндиларни ташиш хизмати, хотин-қизлар фаоллиги, ёшлар ўртасида амалга оширилаётган маънавий-маърифий ишлар каби масалалар юзасидан маҳалла масъуллари билан атрофлича суҳбатлашилди. Маҳаллалар фаолияти бўйича янги меъёрий ҳужжатлар моҳияти, ҳозирги кундаги долзарб вазифалар, уларнинг ечими тўғрисида ҳам суҳбат олиб борилди.