Навбатдаги ўрганишларни Олий Мажлис Қонунчилик палатаси депутати Камол Жуманиёзов олиб борди.

Депутат ўзи сайланган округда ижтимоий соҳада олиб борилаётган ишлар, аҳолига яратилаётган шарт-шароитлар билан танишиш мақсадида Шовот туманидаги «Наврўз» ҳамда «Янгиобод» маҳаллаларида бўлди.

Депутат маҳалла еттилиги билан танишиб, фаолият олиб боришлари учун яратилган шарт-шароитларни ўрганди, шунингдек, уларнинг қонуний манфаатлари ва мажбуриятлари бўйича қонунчиликдаги ўзгаришлар ҳақида тушунтиришлар бериб ўтилди. Кейинги етти йилда тизимни такомиллаштиришга доир юзга яқин меъёрий-ҳуқуқий ҳужжат қабул қилиниб, маҳалла раиси, ҳоким ёрдамчиси, хотин-қизлар фаоли, ёшлар етакчиси, профилактика инспектори, ижтимоий ходим ва солиқ инспекторидан иборат таъсирчан тузилма фаолияти йўлга қўйил­гани ижобий самара бераётгани қайд этилди.

Маҳаллалар ободлигини таъминлашда «Яшил макон» умуммиллий лойиҳасининг ўрни алоҳида экани, бу борадаги амалий ишлар туфайли ҳудудларда боғ-роғлар, яшил ҳудудлар кенгайиб бораётгани таъкидланди.

Суҳбат давомида ушбу маҳалла ҳудудини янада ривож­лантиришда амалга оширилиши муҳим бўлган режалар ҳақида фикр алмашилди.