Шанба
20-Декабр 2025
Шу кунларда Ўзбекистон Экологик партияси Навоий вилоят кенгаши ҳамда туман, шаҳар партия ташкилотлари томонидан «Яшил макон» умуммиллий лойиҳасининг баҳорги мавсумида экилган дарахт кўчатларининг парвариши бўйича мониторинг ўтказилмоқда.
Партия фаоллари, депутатлар ҳамда олим ва мутахассислар иштирокида экилган кўчатларнинг бугунги ҳолати, жазирамада уларни суғориш ишлари қандай ташкил этилаётгани ўрганилмоқда.
Илк манзил Навоий шаҳридаги касб-ҳунар мактаби бўлди. Ўзбекистон Экологик партияси Навоий шаҳар партия ташкилоти ҳамда Экология, атроф-муҳитни муҳофаза қилиш ва иқлим ўзгариши вазирлиги Навоий шаҳар бўлими ҳамкорлигида ушбу манзилдаги экилган дарахтларнинг ҳолати ўрганиб чиқилди.
Жамоатчилик назорати давомида 2024 йил баҳор мавсумида жами 1100 та дарахт кўчатлари экилган бўлиб, шундан 820 та мевали, 280 та манзарали кўчатлар экани аниқланди.
Ҳозирги кунда 1070 туп дарахт кўчатлари яхши ривожланяпти, 30 туп кўчат эса ривожланишдан ортда қолгани аниқланиб, уларни алоҳида парваришлаш ишлари олиб борилмоқда.
Навбаҳор туман партия ташкилоти томонидан тумандаги 11-сонли Болалар мусиқа ва санъат мактаби ҳудудида ўтказилган мониторинг эса ижобий хулосалар билан якунланди. Ушбу мактаб атрофида «Яшил макон» лойиҳасининг баҳорги мавсумида 500 дан ортиқ манзарали ва 150 га яқин мевали дарахт кўчатлари экилган. Кўчатларнинг парвариши бўйича масъул шахс бириктирилган. Суғориш тизими ариқлар орқали амалга оширилмоқда.
«Кончилар» маҳалласидаги ўрганишлар ҳам ушбу ҳудуд аҳолисининг дарахтлар парваришига бефарқ эмаслигини кўрсатди. Зарафшон шаҳар партия ташкилоти томонидан ўтказилган мониторингда маҳалла ҳудудида 1200 дан зиёд мевали ва манзарали дарахт кўчатлари экилгани аниқланди. Ҳозирги кунда бу дарахтларнинг суғорилишига оид ишлар мунтазам амалга оширилиб келинмоқда.
Қизилтепа туман партия ташкилоти томонидан тумандаги асосий йўл бўйларига экилган кўчатларнинг парвариши ва суғориш тизими бўйича вазият ўрганилганда ҳам кўчатларнинг суғорилиши мунтазам назорат қилинаётгани аниқланди. Бу ердаги асосий йўл ёқаларига «Яшил макон» доирасида 15 мингта турли манзарали кўчатлар экилган.
Бу каби жамоатчилик назорати тадбирлари вилоятда мунтазам олиб борилади. Негаки, экилдими, экилди қабилида иш тутиб, дарахтларнинг кейинги тақдири билан қизиқмаслик ҳолатлари ҳам учраяпти. Мониторинглар давомида масъулиятсизлик қилганларга тегишли чоралар кўриб, суғориш тартиби, кўчатлар парвариши бўйича тавсиялар бериб борилмоқда.
ЎЭП Навоий вилоят кенгаши
матбуот хизмати
Кўчат экиш ва ободонлаштириш ишлари халқимизнинг қадимий ва эзгу анъаналаридан бири. Бундай тадбирлар ёшлар қалбида табиатга меҳр-муҳаббат, меҳнатсеварлик ҳамда маҳалла, оила ва Ватан олдидаги масъулиятни чуқур англаш кўникмаларини шакллантиради.
Батафсил
Нукус тумани «Бақаншақли» МФЙда умуммиллий лойиҳа доирасида «Яшил ривожланиш учун бирлашайлик» шиори остида туман партия боғи барпо этилди ҳамда кузги кўчат экиш ишлари олиб борилди.
Батафсил
Айни кунларда юртимизнинг барча ҳудудида «Яшил макон» умуммиллий лойиҳаси доирасида кузги кўчат экиш мавсуми қизғин руҳда амалга оширилмоқда. Бу жараёнда Ўзбекистон Экологик партияси ташкилотлари ва депутатлик корпуси ҳам фаол иштирок этмоқда.
Батафсил
Кўчат экиш ва ободонлаштириш ишлари халқимизнинг қадимий ва эзгу анъаналаридан бири. Бундай тадбирлар ёшлар қалбида табиатга меҳр-муҳаббат, меҳнатсеварлик ҳамда маҳалла, оила ва Ватан олдидаги масъулиятни чуқур англаш кўникмаларини шакллантиради.
Нукус тумани «Бақаншақли» МФЙда умуммиллий лойиҳа доирасида «Яшил ривожланиш учун бирлашайлик» шиори остида туман партия боғи барпо этилди ҳамда кузги кўчат экиш ишлари олиб борилди.
Айни кунларда юртимизнинг барча ҳудудида «Яшил макон» умуммиллий лойиҳаси доирасида кузги кўчат экиш мавсуми қизғин руҳда амалга оширилмоқда. Бу жараёнда Ўзбекистон Экологик партияси ташкилотлари ва депутатлик корпуси ҳам фаол иштирок этмоқда.
Ҳар сафар Тошкентдан водий томонга кетишда Оҳангарон йўлининг икки четига экилган кўчатларни кузатаман.
Сув – табиатнинг инсониятга берган энг ноёб неъмати. Бу неъматнинг қадрини баъзан сувсиз қолгандагина англаймиз. Ҳолбуки, сувни асраш, ундан оқилона фойдаланиш бугунги авлоднинг келажак олдидаги бурчидир.
