Ўзбекистон Экологик партияси Марказий Кенгашининг ишчи гуруҳи «Яшил макон» умуммиллий лойиҳаси доирасида Наманган вилоятида амалга оширилаётган ишлар ва уларнинг мониторинги билан танишиб чиқди.

Мониторинг давомида аниқланган камчиликларни бартараф этиш мақсадида вилоят Кенгаши раис ўринбосари М.Худойбердиев бошчилигида тегишли тадбирлар олиб борилди. Унга кўра, Наманган вилоят Иқтисодиёт ва молия бош бошқармаси, «Infinbank» Наманган филиали ҳамда Ўсимликлар карантини ва ҳимояси бошқармасига бириктирилган ҳудудлардаги маъсуллар билан суҳбат ўтказилди.

Масъулларга суғориш ишларини тизимли амалга оширишни таъминлаш вазифаси юклатилди.

Шунингдек, Поп туманидан маҳаллий Кенгашга сайланган депутатлар билан боғланиб, масала юзасидан тизимли равишда иш ташкил этиш, масъул ташкилотларга депутатлик сўровлари юборилиши юзасидан кўрсатмалар берилди.