Жиддий огоҳлантириш берилди
Жойларда ўтказилаётган экологик назорат тадбирлари орқали атроф-муҳит барқарорлигига салбий таъсир кўрсатаётган бир қанча ҳолатлар аниқланиб, ноқонуний фаолиятларга чек қўйилмоқда.
БатафсилЎзбекистон Экологик партияси ҳафта давомида доимгидек қизғин иш фаолиятини олиб борди. Энг долзарб экологик мавзуларда давра суҳбатлари, очиқ мулоқотлар, ёшлар билан учрашувлар-у, депутатларнинг аҳоли мурожаатларини ўрганишлари шулар жумласидандир. Партия масъуллари томонидан жамоатчилик назорати тадбирлари, экорейдлар ўтказилиб, бир қанча қонунбузарликларнинг олди олинди.
6 мингга яқин кўчат ўтқазилди
Бухоро туманининг Бухоро шаҳрига ёндош «Боғидашт» маҳалла фуқаролар йиғини ҳудудида ажратилган 40 гектар майдонда барпо этилаётган «Янги Ўзбекистон боғи» ҳудудида оммавий дарахт экиш тадбири ташкил этилди.
Кўчат ўтқазиш жараёни даставвал, фолклор жамоалар чиқишлари, дорбозларнинг дор ўйинлари билан бошланиб, йиғилганларга байрамона кайфият улашди.
Шундан сўнг, атроф-муҳит муҳофазаси йўлида, ободлик ва кўкаламзорлаштириш ишлари бошлаб юборилди. Ўзбекистон Экологик партияси Бухоро вилоят кенгаши раиси, депутатлари, ходимлари, фаол аъзолари ҳам ушбу хайрли ишда ўз ҳиссаларини қўшган ҳолда мевали ва манзарали дарахт ниҳолларини ерга қадашди.
22 март – Бутунжаҳон сув ресурслари куни
БМТнинг 1992 йилда Бразилия пойтахти Рио-де-Жанейро шаҳрида ўтказилган конференсиясида «Бутунжаҳон сув куни»ни кенг нишонлаш тўғрисидаги ғоя илгари сурилган. 1992 йил 22 декабрда эса БМТ Бош Ассамблеясининг ҳар йили 22 мартни «Бутунжаҳон сув куни» сифатида кенг нишонлаш тўғрисидаги қарори қабул қилинган.
Ушбу сана муносабати билан Қашқадарё соҳилида катта тадбир ташкил этилди. «Сув текин эмас» шиори остида Қарши ирригация ва агротехнологиялар институти, Ўзбекистон Экологик партияси Қашқадарё вилоят кенгаши, ННТ «Ирригатор ва мелиораторлар» вилоят ассоциацияси ҳамкорлигида ўтган тадбир таассуротларга бой бўлди.
Тадбирда сув хўжалиги соҳасида кўп йиллар меҳнат қилган фидойи инсонлар, сувчилар тайёрлайдиган олий таълим муассасалари талабалари, Экопартия фаоллари ҳамда журналистлар иштирок этишди.
Сўзга чиққанлар сув ресурсларидан самарали фойдаланиш соҳасидаги қонунчилик, бу борада амалга оширилаётган ишлар, соҳада илмий изланишлар ва тадқиқотлар, инновациялар ҳамда кадрлар тайёрлаш масалалари борасидаги ислоҳотлар ҳақида маълумот беришди.
Бутун, жаҳон сув ресурслари кунининг асосий вазифалари аҳолини ичимлик сув билан таъминлаш муаммосини ҳал қилиш бўйича тегишли чоралар қабул қилинишини рағбатлантириш, аҳолини сув ресурсларини муҳофаза қилиш ва сақлашнинг муҳимлиги тўғрисида хабардор қилишдан иборат.
Тадбирда вилоят партия кенгаши раиси, Халқ депутатлари вилоят Кенгашининг Аграр, сув хўжалиги масалалари ва экология бўйича доимий комиссияси раиси Носир Халимов сўзга чиқиб, сув ресурсларининг атроф-муҳит ва жамият тараққиёти учун аҳамияти ҳақида тўхталди. Шундан сўнг Қарши ирригация ва агротехнологиялар институтининг бир гуруҳ фаол талабаларига партиянинг эсдалик совғалари топширилди.
Худду шу каби тадбир Ўзбекистон Экологик партияси Марғилон шаҳар кенгаши томонидан Марғилон шаҳридаги Абу Али Ибн Сино номидаги 1- жамоат саломатлиги тиббиёт техникумида ҳам ташкил этилди. Унда Экопартия Марғилон шаҳар кенгаши раиси, шаҳар кенгаши депутати Матлубахон Абдураҳмонова талаба ёшларга сув ресурсларини асраш, сувни эъзозлаш, унинг исрофига йўл қўймаслик, ҳар томчисидан оқилона фойдаланиш зарурлиги, ҳудудларда сув сарфини камайтириш, тоза ичимлик сувни эҳтиётлаб ишлатиш, уни келгуси авлодларга етказиш долзарб масала эканини таъкидлаб ўтди.
Маҳалламга 10 туп дарахт – менинг туҳфам
Боғот туман партия ташкилоти раиси, туман Кенгаши депутати Улуғбек Иброҳимов, партия фаоллари, табиатсевар фуқаролар иштирокида тумандаги «Найман» МФЙ ҳудудига Умуммиллий ҳашар доирасида «Маҳалламга 10 туп дарахт менинг туҳфам» чақириғи остида кўчат экиш ва ободонлаштириш тадбирлари ўтказилди. Ҳашарда мазкур маҳалла фуқаролари, партия фаоллари қум барханларида 100 тупдан зиёд саксовул, қандим, черкиз каби қум-чўл ўсимликлари кўчатларини экдилар.
Жойларда ўтказилаётган экологик назорат тадбирлари орқали атроф-муҳит барқарорлигига салбий таъсир кўрсатаётган бир қанча ҳолатлар аниқланиб, ноқонуний фаолиятларга чек қўйилмоқда.
БатафсилЖиззах вилояти Экология бошқармаси томонидан Мирзачўл туманидаги «Mirzacho‘l Agroklaster group» МЧЖга қарашли пахта тозалаш заводи ҳолати ўрганилди.
БатафсилТошкент вилояти Экология бошқармаси Зангиота туман бўлими инспекторлари томонидан назорат рейд тадбири ўтказилди.
Батафсил