Энди ортиқча ҳужжатлар тақдим этилмайди
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда кўриб чиқилди.
БатафсилКитоб – билим булоғи, тафаккур қаноти. Китоб ақлни чархлайди, фикрни бойитади, маънавиятни юксалтиради. Инсонни камолот сари етаклайди.
Ҳақиқатан, қадим-қадимдан ота-боболаримиз бола тарбиясида, айниқса, уларнинг камолоти, фаровон ва мазмунли ҳаётида китобнинг ўрни муҳим эканини бот-бот такрорлашган. Негаки, китоб ёшларда Ватанга муҳаббат, миллий ва умуминсоний қадриятларга ҳурмат ва, албатта, она табиатга меҳр туйғуларини юксалтиради.
Бу таърифларнинг нақадар тўғри эканига Ўзбекистон Экологик партияси Қашқдарё вилоят кенгашида «Ёш китобхон» танловининг 2023 йил республика босқичи 15-19 ёш тоифаси ғолиби Мироншоҳ Нурматов билан бўлиб ўтган учрашув давомида яна бир бор амин бўлдик.
Тақдирлаш маросимида Ўзбекистон Экологик партияси Марказий Кенгаши раиси Абдушукур Ҳамзаев ҳам иштирок этиб, китобхон ёшларни эришган улкан ютуқлари билан табриклади.
Президентнинг беш муҳим ташаббуси доирасида ўтказиладиган «Ёш китобхон» танлови қадимий ва бетакрор диёримиздан етишиб чиққан буюк аллома, адиб ва мутафаккирларимизнинг бой маънавий меросини, умумбашарий цивилизация, маданият, дунёвий ва диний илм-фан тараққиётига улкан ҳисса қўшган улуғ аждодларимизнинг ноёб асарларини асраб-авайлаш, келгуси авлодларга безавол етказиш, уларнинг нодир меросини, ибратли ҳаёти ва ижтимоий фаолиятини ҳар томонлама чуқур ўрганиш ва тарғиб этиш, ёшларимизни ўзликни англаш, миллий ва умуминсоний қадриятларга ҳурмат руҳида тарбиялаш, улар ўртасида китобхонлик маданиятини кенг оммалаштириш мақсадида ташкил этилади.
Билимни баҳолашнинг мураккаб босқичларидан ўтиб, ғолибликни қўлга киритган қашқадарёлик Мироншоҳ Нурматов 15-19 ёшлилар орасида энг билимли китобхон дея топилди.
Унга Президент совғаси – «Cobalt» автомобили топширилди.
Учрашув давомида ғолибнинг тенгдошлари, бир гуруҳ ёшлар ўзларини қизиқтирган саволларни беришди. Ёш китобхоннинг жавоблари эса барчани тўлқинлантирди. Унинг ғурур ва ифтихор билан сўзлаган сўзлари иштирокчи ёшларда китоб мутолаасига ҳавасини оширгани шубҳасиз.
– Болалигимдан китоб ўқишга бўлган ҳавасим баланд эди, – дейди «Ёш китобхон» танлови ғолиби Мироншоҳ Нурматов. – Танлов доирасида 300 дан ортиқ турли китобларни ўқидим. Ўқиган китобларим мендаги ватанпарварлик руҳини ошириб, дунёқарашимни ўзгартирди, деб ўйлайман. Ўқиган асарларимдаги қаҳрамонлар гўёки менинг қадрдонларимга айланишган. Танлов давомида берилган саволларга жавоб берарканман, ўзимга бўлган ишончим янада ошиб борди.
Ёш китобхоннинг келажакдаги режалари эса бисёр. Шунингдек, Мироншоҳ тенгдошлари орасида атроф-муҳит муҳофазаси, она табиат инъом этган неъматларни асраш, ўсимлик ва ҳайвонот дунёсига озор бермасликни тарғиб қилишга ваъда берди.
Дарҳақиқат, инсон тафаккурини юксалтириш, онгу шуурига эзгулик уруғини сочишда китобнинг ўрни беқиёс. Демак, бугун ёш авлоднинг китоб ўқишга бўлган қизиқишини оширишга, уларни китоб билан дўст бўлишига, аҳолининг китобхонлик савиясини кўтаришга қаратилган ишлар кўламини янада кенгайтириш зарур.
Сожида АЛЛАЯРОВА,
ЎЭП Қашқадарё вилоят кенгаши
бош мутахассиси
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда кўриб чиқилди.
БатафсилГазетамизнинг ўтган сонида терак дарахти жиддий хавф остида қолаётганига оид мақола чоп этилган эди. Бир қатор ҳудудлардаги терак дарахтларига зараркунандалар жиддий зарар етказаётгани ҳақида айтилган эди.
БатафсилЭсингизда бўлса, анча йиллар олдин юртимизда электрон сигареталар ишлаб чиқариш ва истеъмол қилишга рухсат берилганди. Тўғри, аҳолининг маълум қатлами тамаки маҳсулотлари чекишади, бунга ўрганиб қолишган. Умуман олганда, тамаки маҳсулотларини тақиқлаш мушкул масала.
Батафсил