Экология вазирлиги Чилонзор, Сергели ва Янгиҳаёт туманларида жойлашган, атроф-муҳитга таъсир кўрсатишнинг I ва II тоифаларига мансуб 160 та корхонага чанг-газ тозалаш ускуналарини ўрнатиш ҳақида огоҳлантириш берди.

Ўзбекистон Экология вазирлиги Тошкент шаҳридаги атроф-муҳитга таъсир кўрсатувчи корхоналарда мониторинг ўтказилгани ҳақида хабар берди.

Мониторинг натижаларига кўра, Чилонзор туманидаги атроф-муҳитга таъсир кўрсатишнинг I ва II тоифасига мансуб 70 та корхонага, жумладан, бетон, ун маҳсулотлари, керамика ва кафел, мато-газлама ва бошқа маҳсулотлар ишлаб чиқарадиган корхоналарга чанг-газ тозалаш ускуналарини ўрнатиш тўғрисида огоҳлантириш хатлари берилган.

Худди шундай хатлар Сергели туманида 68 та корхонага, Янгиҳаёт туманидаги 22 та корхонага ҳам жўнатилган.