Экологик муаммолар бугунги кунда кўплаб мамлакатларнинг глобал мавзусига айланиб улгурди.

Давлатимиз раҳбарининг жаҳоннинг юксак минбарларидан туриб, бутунжаҳон ҳамжамиятини она табиатни асрашга, экологик муаммоларга қарши самарали курашиш учун бирлашишга чақириши ҳам бежиз эмас.

Мамлакатимизда экология ва атроф-муҳит муҳофазаси келгуси етти йилликда ривожланиш стратегиясининг муҳим йўналишларидан бири сифатида белгиланган. Юртимиз бўйлаб амалга оширилаётган «Яшил макон» умуммиллий лойиҳаси ҳам айни шу мақсадларга хизмат қилади.

Эзгу мақсад ва катта орзуларни ўзида мужассам этган ушбу лойиҳага барча бирдек ҳисса қўшмоқда, ўзига хос қадриятга айланмоқда.

«Яшил макон» доирасида кузги дарахт экиш мавсумида Ўзбекистон Экологик партияси ҳудудий ташкилотлари фаоллари ҳам алоҳида ташаббус кўрсатишмоқда. Куни кеча Навоий шаҳридаги «Фаровон» маҳалласидаги кўп қаватли уйлар атрофидаги бўш ер майдонини кўкаламзорлаштириш мақсадида Ўзбекистон Экологик партияси Навоий вилояти кенгаши ташаббуси билан янги боғга асос солинди. Ушбу янги боғ яхши ниятлар билан «Ўзбекистон Экологик партияси ташкил топганига 5 йил» деб номланди.

Ўтказилган ушбу хайрли тадбирда Олий Мажлис Қонунчилик палатаси депутатлари, ЎЭП Марказий кенгаши