Кунора иш ёки бошқа юмуш билан таксига чиқамиз. Ана шундай кунларнинг бирида такси ҳайдовчиси ўз дардини айта кетди.
«Синглим, мана юртимиз тинч, шаҳару қишлоқларимиз, кўчаларимиз обод бўляпти, – дея гап бошлади такси ҳайдовчиси. – Боғ-роғлар яратиляпти. Йўл бўйида экилган ям-яшил дарахтларни кўриб баҳру дилинг очилади. Мана, кўчалар янгидан асфальт бўляпти. Хуллас, ҳаммаёқ чиройли.
Аммо мени бир нарса ўйлантиради. Баъзи одамларда озгина маданият, фаросат, тарбия етишмайди. Айрим йўловчилар машинага чиқиб, то манзилга етгунига қадар салон ичига турли қоғоз, чиқиндиларни ташлаб кетишади. Ҳатто болаларининг таглигини алмаштириб ташлаб кетадиганлари ҳам учрайди. Улардан кейин бошқа йўловчилар машинага ўтирганида бизга ноқулай бўлади. Машинанинг ойнасидан сувдан бўшаган баклашка, қоғоз, нима бўлса улоқтирган йўловчиларга бу иши нотўғри эканини тушунтирсак, жаҳл қилиб, хафа бўлишади. Одамларимизда озгина экологик маданият пайдо бўлса эди...»
Ҳайдовчининг бу сўзларидан рости хижолат бўлдим. Айнан шундай одамлар учун уялдим. Афсуски, ҳали ҳамон орамизда кўп қаватли уйларнинг тепа қаватларидан туриб чиқинди улоқтирадиган, чиқиндини дуч келган ерга итқитиб кетадиганлар жудаям кўп. Шунинг учун ҳам сизу бизга оиламизда, маҳалламизда, юртимизда экологик маданиятни, тарбияни шакллантиришдек масъулиятли бир вазифа юклатилганлигини унутмайлик.
Фотима ЎКТАМОВА
Эътибордан четда қолаётган «ётоқ туман» муаммоси
🕔16:35, 02.05.2024
✔10
Катта шаҳарларимиз, айниқса, пойтахтда ҳаво ифлосланиши энг долзарб муаммога айлангани сир эмас. Атмосфера ифлосланишига 53 фоиз ҳолатда автомобиллардан чиқадиган зарарли тутунлар сабаб бўлмоқда. Кўчаларда юзага келадиган тирбандлик эса транспорт воситаларидан чиқадиган зарарли ташламалар миқдорини янада оширади.
Батафсил
Электр энергияси ва табиий газ қимматламоқда, ижтимоий норма халққа қандай ёрдам бўлади?
🕔20:38, 19.04.2024
✔38
Ўзбекистонда 1 майдан электр энергияси ва газ учун тўловлар миқдори оширилади, кўп ишлатган кўпроқ тўлайди. Яъни, энергетика соҳасида «ижтимоий норма» жорий этилди. Буни қандай тушуниш керак?
Батафсил
Экологик стикерлар бизни ҳаво ифлосланишидан қутқара оладими?
🕔22:10, 12.04.2024
✔41
1 июндан бошлаб Ўзбекистонда «Экологик транспорт» тизими босқичма-босқич жорий этила бошлайди. Бунинг учун шаҳарлар экоҳудудларга бўлинади ва автомобилларга экологик стикерлар берилади.
Батафсил