Ўзбекистон Экологик партияси Олмазор туман кенгашининг ярим йил якунлари ва келгусидаги устувор вазифалар ҳақидаги йиғилиши ҳам қизғин муҳокамалар билан ўтди.

Унда партиянинг туман кенгаши аъзолари олиб борилаётган фаолиятда бошқаларга ўрнак бўлиши зарурлигига эътибор қаратилди. Айниқса, пойтахтдаги ҳар бир вазият ҳар доим ҳушёр ва сергак бўлишни талаб этади. Жойлардаги экологик муаммоларни биргаликда бартараф этишда партия аъзолари, кўнгилли-экофаоллар, фидойи юртдош­ларимиз билан биргаликда ҳаракат қилиш муҳимлиги таъкидланди.

– Ўтган олти ой давомида Олмазор туман партия ташкилоти томонидан қатор амалий ишлар қилинди, – деди Олмазор туман партия ташкилоти раиси Шаҳноза Умархўжаева. – Келгусида биз ўз фаолиятимизни янада самаралироқ ташкил қилишга жамоамиз билан биргаликда астойдил ҳаракат қиляпмиз. Шу мақсадда Кенгаш фаолиятини янада яхшилашни кўзда тутиб, ғайрат-шижоатли янги аъзоларни жалб этяпмиз. Ўйлаймизки, бу ишларнинг барчаси ўзининг муносиб натижасини кўрсатади.