Ўзбекистон Экологик партияси Жиззах шаҳар кенгаши йиғилиши таҳлилий-танқидий тарзда ўтди.

Йиғилиш иштирокчилари шаҳарда амалга оширилган ишлар билан бир қаторда, жойларда йўл қўйилган камчиликларга ҳам жиддий эътибор қаратишди. Хусусан, шаҳар ҳудудидаги фаолиятда юзага келган камчиликларнинг сабаб ва оқибатлари таҳлил қилинди, жамоатчилик эътиборига тушаётган экологик масалалар юзасидан масъулларнинг муносабатлари ўрганилди.

Она табиатга қилинган ҳар бир эътиборсизлик ёки етказилган зарар ортидан бир кун келиб инсоният катта синовлар билан жавоб бериши мумкинлиги таъкидланди.

Бу эса, ҳар бир масъулнинг ўз ишига қонун доирасида, виждонан ёндашувини тақозо этади.

Ўтган давр мобайнида амалга оширилган ишларда йўл қўйилган камчиликлардан тегишли хулосалар чиқариш муҳимлиги эслатиб ўтилди.

Келгусидаги фаолият иш режаси кенгаш аъзолари томонидан овозга қўйиш йўли билан тасдиқланди.