Якшанба
19-Апрел 2026
Ёшлар ҳар қандай жамиятнинг эртаси. Улар том маънода, Ўзбекистоннинг энг катта бойлиги, бебаҳо хазинаси ҳисобланади. Зеро, Янги Ўзбекистон ёшлари келажагимиз ва истиқболимиз пойдеворидир.
Куни кеча Ўзбекистон Экологик партияси Марказий Кенгаши Ижроия қўмитасида Ёшлар парламенти аъзолари, «Ёшлар қаноти», «Аёллар қаноти» томонидан жорий йил биринчи ярим йилликда қилинган ишлар ҳамда иккинчи ярим йилликдаги устувор вазифаларга бағишланган йиғилиш бўлиб ўтди.
Йиғилиш аввалида Ўзбекистон Республикаси Олий Мажлиси Қонунчилик палатаси ва Сенатининг қўшма мажлисида Ўзбекистон Республикасининг сайланган Президенти ўз лавозимига киришишига бағишланган тантанали маросимда давлатимиз раҳбарининг Ўзбекистон ёшларига билдирган ишончи хусусида сўз юритилди. Ўзбекистон Президентининг ёшларга қарата «Сизлар Ўзбекистон тарихига олтин ҳарфлар билан ёзиладиган буюк ишларни амалга оширишга қодирсиз. Ёшлик – ғанимат, вақт – ғанимат, фурсат борида отни қамчиланг! Давлатимиз, халқимиз яратиб бераётган имкониятларнинг қадрига етинг! Дунёга ўз сўзингизни айтинг!» деб айтган сўзлари ҳар бир йигит-қиз қалбида жаранглагани, катта мотивация бўлишини алоҳида қайд этишди.
Партиянинг Қорақалпоғистон Республикаси ҳамда вилоят Кенгашларидаги ёш ходимлар, ёшлар ва аёллар қаноти фаоллари иштирок этиб ўзларининг таклиф ва фикрларини билдиришди. Шунингдек, партиянинг ёшлар ва аёллар қаноти томонидан 2023 йилнинг дастлабки ярим йиллигида амалга оширилган ишлар, мавжуд камчиликлар бирма-бир таҳлил қилиниб, иккинчи ярим йилликда амалга оширилиши кўзда тутилган ишлар атрофлича муҳокама қилинди.
– Бўлиб ўтган ушбу йиғилишда жорий йилнинг биринчи ярим йиллигида партиямизнинг «Ёшлар қаноти» фаолларининг амалга оширган ишларини атрофлича таҳлил қилдик, – дейди Олий Мажлис Қонунчилик палатаси ҳузуридаги Ёшлар парламенти Соғлиқни сақлаш, экология ва атроф муҳитни муҳофаза қилиш қўмитаси раиси Нуриддин НУРИЛЛАЕВ. – Ёшларимиз ўзларининг амалга оширган ишлари юзасидан маълумотлар берди. Келгуси режалари ҳақидаги фикрларини барча билан бўлишиб, энг муҳим деб топилган таклифлар галдаги режаларга киритилди. Белгиланган режалар албатта ёшларимиз келажаги учун муҳим аҳамият касб этади, деб ўйлайман.
Йиғилиш иштирокчиларининг таклиф ва ташаббуслари эшитилиб, энг муҳим деб топилганлари галдаги режаларга киритилди.
Бугун саноат тармоқларини ривожлантиришда нафақат иқтисодий самарадорлик, балки экологик хавфсизлик меъёрларига риоя этиш ҳам устувор вазифага айланди. Экологик партия вакиллари томонидан ишлаб чиқариш корхоналарида ўтказилаётган ўрганишлар айнан шу мақсадга йўналтирилган.
Батафсил
Маҳаллаларда халқ депутатлари томонидан ўтказилаётган сайёр қабуллар аҳолининг ҳаётий муаммоларини тинглаш, уларга амалий ечим топиш ва ижтимоий адолатни таъминлашда муҳим механизмга айланди.
Батафсил
Глобал иқлим ўзгариши шароитида сув ресурсларидан, айниқса, ер ости захираларидан оқилона ва тежамкорлик билан фойдаланиш стратегик аҳамиятга эга. Бу жараёнда соҳадаги норматив ҳужжатлар ижросини таъминлаш ва тизимли мониторинг тадбирларини ўтказиш экологик барқарорликнинг асосий гаровидир.
Батафсил
Бугун саноат тармоқларини ривожлантиришда нафақат иқтисодий самарадорлик, балки экологик хавфсизлик меъёрларига риоя этиш ҳам устувор вазифага айланди. Экологик партия вакиллари томонидан ишлаб чиқариш корхоналарида ўтказилаётган ўрганишлар айнан шу мақсадга йўналтирилган.
Маҳаллаларда халқ депутатлари томонидан ўтказилаётган сайёр қабуллар аҳолининг ҳаётий муаммоларини тинглаш, уларга амалий ечим топиш ва ижтимоий адолатни таъминлашда муҳим механизмга айланди.
Глобал иқлим ўзгариши шароитида сув ресурсларидан, айниқса, ер ости захираларидан оқилона ва тежамкорлик билан фойдаланиш стратегик аҳамиятга эга. Бу жараёнда соҳадаги норматив ҳужжатлар ижросини таъминлаш ва тизимли мониторинг тадбирларини ўтказиш экологик барқарорликнинг асосий гаровидир.
Сув ресурсларини тежаш ва қайта тикланувчи энергия манбаларидан фойдаланиш глобал экология кун тартибининг ажралмас қисмига айланган.
Мамлакатимизда истиқлолимизнинг ўттиз беш йиллик тўйига муносиб тайёргарлик кўриш ва уни юксак савияда нишонлаш борасидаги хайрли ишлар экологик ташаббуслар билан уйғунлашиб кетмоқда.
