Чоршанба
24-Июн 2026
Хотира ва қадрлаш куни аждодларимиз жасоратини улуғлаш, номларини абадийлаштириш ҳамда борларига ғамхўрлик кўрсатишга хизмат қилаётган қутлуғ сана. Ўзбекистон Экологик партияси фаоллари шу муносабат билан жойларда бўлиб, ёши улуғ инсонлар ҳолидан хабар олишди.
Олий Мажлис Қонунчилик палатаси депутати, Ўзбекистон Экологик партияси Марказий кенгаши раиси ўринбосари Камол Жуманиёзов Боғот туман партия ташкилоти вакиллари иштирокида бир гуруҳ меҳнат фахрийларини зиёрат қилди.
Матчон ота Ваисовнинг айни болалик чоғлари уруш йилларига тўғри келган. Матчон ота суҳбат давомида ўша йиллардаги қийинчиликлар ҳақида гапириб, бугунги тинч ва осойишта кунларга шукрона келтирди.
Шунингдек, Олий Мажлис Қонунчилик палатаси депутати Носиржон Аминов, Ўзбекистон Экологик партияси Тошкент шаҳар партия ташкилоти раиси Севара Файзиева, Миробод тумани партия ташкилоти раиси Д.Мавлянова ва Халқ депутатлари Миробод тумани Кенгаши депутати Е.Тенлардан ташкил топган ташаббускор гуруҳ Миробод туманининг «Юксалиш» МФЙ, «Толариқ» МФЙ ва «Мовароуннаҳр» МФЙда истиқомат қилаётган уруш фахрийларининг хонадонларига бориб, уларнинг ҳолидан хабар олишди. Озиқ-овқат маҳсулотлари ва эсдалик совғалар улашишди.
Дилдан кечган суҳбатлар чоғида нуронийларимиз инсоният бошига оғир мусибатлар солган машъум уруш, ўша машаққатли кунларни матонат билан енгиб ўтган ота-боболаримизнинг метин иродаси, уруш йилларида Ўзбекистоннинг ғалабага қўшган ҳиссаси, халқимизнинг фронт ва фронт ортида кўрсатган жасоратлари ҳақида сўзлаб беришди.
Ўзбекистон экологик партияси Навоий вилояти Кенгаши раиси А.Жалилов Кармана туман «Дўрмон» МФЙда истиқомат қилувчи Иккинчи жаҳон уруши қатнашчиси, 103 ёшни қарши олган Пирназар бобо Турдиев хонадонида бўлиб, нуроний бобо ва уларнинг оила аъзоларини байрам билан табриклади.
Фахрий нурониймиз вилоят Кенгаши раиси билан суҳбат давомида уруш йиллари хотиралари, ўтган даврларнинг қийинчиликлари, ҳаёт тажрибалари ҳақида сўзлаб берди. Бугунги дориломон кунларнинг қадрига етиш кераклигини такрор-такрор таъкидлади. Президентимиз томонидан Иккинчи жаҳон уруши қатнашчиларига кўрсатилаётган доимий ғамхўрлик учун миннатдорчилик билдирди.
Она табиат ҳимоясига бағишланган муҳим халқаро сана, 5 июнь – Бутунжаҳон атроф-муҳитни муҳофаза қилиш куни юртимиз бўйлаб кенг нишонланди. Пойтахтимизнинг Чилонзор туманидаги «Dream Park» истироҳат боғида Ўзбекистон Экологик партияси Тошкент шаҳар кенгаши ташаббуси билан мазкур санага бағишлаб файзли тадбир ташкил этилди.
Батафсил
Юртимизнинг энг сўлим гўшаларидан бири бўлмиш Зомин миллий табиат боғи ҳудудида 5 июнь – Бутунжаҳон атроф-муҳитни муҳофаза қилиш куни муносабати билан «Яшил келажак сари» шиори остида йирик экологик форум ташкил этилди.
Батафсил
Зарафшон шаҳрида 5 июнь – Бутунжаҳон атроф-муҳит муҳофазаси куни муносабати билан ташкил этилган «5000 қадам» пиёда юриш акцияси шаҳар аҳолисини, ёшларни, депутатларни, умуман, барчани бир сафга жамлади.
Батафсил
Она табиат ҳимоясига бағишланган муҳим халқаро сана, 5 июнь – Бутунжаҳон атроф-муҳитни муҳофаза қилиш куни юртимиз бўйлаб кенг нишонланди. Пойтахтимизнинг Чилонзор туманидаги «Dream Park» истироҳат боғида Ўзбекистон Экологик партияси Тошкент шаҳар кенгаши ташаббуси билан мазкур санага бағишлаб файзли тадбир ташкил этилди.
Юртимизнинг энг сўлим гўшаларидан бири бўлмиш Зомин миллий табиат боғи ҳудудида 5 июнь – Бутунжаҳон атроф-муҳитни муҳофаза қилиш куни муносабати билан «Яшил келажак сари» шиори остида йирик экологик форум ташкил этилди.
Зарафшон шаҳрида 5 июнь – Бутунжаҳон атроф-муҳит муҳофазаси куни муносабати билан ташкил этилган «5000 қадам» пиёда юриш акцияси шаҳар аҳолисини, ёшларни, депутатларни, умуман, барчани бир сафга жамлади.
Таълим фақатгина китоб ўқишу, синфхонларда тартибли ўтириш дегани эмас. Бугунги кунда таълим-тарбия экологик маданиятни ҳам ўз ичига олиши керак.
Атроф-муҳитни муҳофаза қилиш куни ва юртимиз мустақиллигининг қутлуғ айёми арафасида Бухоро вилоятида жонли мулоқот бўлиб ўтди.
