Қорақалпоғистон Рес­публикасининг Мўйноқ ва Қўнғирот туманлари ҳудудида жойлашган Судочье кўли баҳор-куз даврида сув қушларининг оммавий концент­рацияси жойи сифатида жуда муҳим аҳамия­тга эга. Сув ҳавзасида баҳорги миграция даврида қушлар сони юз мингдан ошади.

Кўлда 24 турдаги балиқ, 230 турдаги қуш (118 та гидрофил тур) бўлиб, шундан 12 тури Халқаро Қизил китобга, яна шунчаси Ўзбекис­тон Қизил китобига киритилган.

Шунингдек, кўлда 30 турдаги сутемизувчилар ҳам мавжуд бўлиб, уларнинг 2 тури Ўзбекистон Қизил китобига ва 3 тури Халқаро Қизил китобга киритилган.

Ўтган ҳафтада мазкур кўл халқаро аҳамиятга эга бўлган Рамсар сув-ботқоқ ерлари рўйхатига Ўзбекистоннинг 4-объекти сифатида киритилди. Сув қушларининг кўчманчи турларини сақлаш, иқлим ўзгариши оқибатларини юмшатади қолаверса, экологик туризмни ривожлантиришда ҳам мазкур ҳодиса ўзига хос аҳамиятга эга саналади.