Жума
23-Октябр 2026
Сўнгги йилларда сайёрамизнинг у ёки бу ҳудудларида кузатилаётган чанг ва туз бўронлари юртимизни ҳам четлаб ўтмаяпти.
Бундай ҳолатлар илгари кўпроқ Оролбўйи ҳудудларида кузатилган бўлса, энди пойтахт Тошкент шаҳригача кириб келди ва тез-тез такрорланаяпти. Чанг-ғубор аралаш шамол пойтахт ҳавосига сезиларли салбий таъсир кўрсатмоқда.
Республикамизнинг Сурхондарё ва Бухоро вилоятларида бу каби «табиат инжиқликлари» кузатилаётгани масаланинг анчайин долзарб ва жиддий эканидан далолат беради. Қолаверса чангли об-ҳаво аҳоли, айниқса нафас олиш билан боғлиқ хасталиги бор кишилар учун ноқулайликлар келтириб чиқармоқда.
Тез-тез кузатилаётган бу каби чанг ва туз бўронлари нимадан дарак беради? Аввало, бу ҳолат табиатга етказилаётган салбий таъсирларга нисбатан огоҳлантириш ифодасидир.
Биз йиллар давомида табиатга аёвсиз муносабатда бўлдик. Биргина Тошкент шаҳрининг ўзида қанча-қанча яшил ҳудудлар йўқотилиб, кўп йиллик дарахтларни қўпориб, пала-партиш қурилишларга йўл қўйилди. Мана энди бу йўқотишларнинг «тўлови» ҳаммамизни бирдек ташвишга соляпти.
Энди нима қилиш керак? Албатта, табиат ҳодисаларининг бутунлай олдини олиб ёки шамолни тўсиб қўйиб бўлмайди. Ягона йўл – бундай ҳолатларга тайёр туриш, унинг салбий таъсирини юмшатиш чораларини кўришдир. Бунинг учун ҳам бизнинг асосий нажоткоримиз табиат бўлади.
Аввало, ҳар биримиз қўл қовуштирмай яшил майдонларни кўпайтиришга жадал киришмоғимиз керак. Бунинг учун давлатимизнинг ўзи катта шароит яратиб беряпти, юртимиз бўйлаб амалга оширилаётган «Яшил макон» умуммиллий лойиҳасини сифатли амалга оширишимиз, экилаётган ҳар бир кўчатнинг тақдирини ўз тақдиримизга эътибор сифатида ёндашмоғимиз даркор. Акс ҳолда иқлим ўзгаришлариши туфайли юз бераётган турли салбий экологик муаммолар олдида ожиз қолаверамиз.
Ўзбекистон Экологик партияси кенг жамоатчиликни табиатга ҳаёт-мамот масаласи сифатида ёндашишга, унга озор етказмаслик, аксинча яшил майдонларни кўпайтиришга ўз ҳиссасини қўшишга чақиради.
Камол ЖУМАНИЁЗОВ,
Олий Мажлис Қонунчилик палатаси депутати, Ўзбекистон Экологик партияси Марказий кенгаши раиси ўринбосари
Музлатгични очиб, бир неча кунги овқатни кўриб, «эҳ, исроф бўлди-ку...» деб афсусланган пайтларингиз бўлгандир. Бу ҳолат сизга таниш. Аммо шу кичик исроф бутун сайёра миқёсида кўпайтирилса, ундан чиқадиган рақам ақлни шоширади. Гап шундаки, бугун дунё ўзи етиштирган озиқ-овқатнинг деярли бешдан бир қисмини шунчаки чиқиндига ташламоқда.
Батафсил
Бугун рақамли технологиялар ҳаётимизнинг ажралмас қисмига айланди. Интернет орқали билим олиш, хорижий тилларни ўрганиш, дунёнинг исталган нуқтасидаги ахборотдан фойдаланиш имкониятлари тобора кенгаймоқда.
Батафсил
Табиатда шундай жонзотлар борки, уларнинг миттигина фаолияти бутун инсоният ҳаёти учун катта аҳамият касб этади.
Батафсил
Музлатгични очиб, бир неча кунги овқатни кўриб, «эҳ, исроф бўлди-ку...» деб афсусланган пайтларингиз бўлгандир. Бу ҳолат сизга таниш. Аммо шу кичик исроф бутун сайёра миқёсида кўпайтирилса, ундан чиқадиган рақам ақлни шоширади. Гап шундаки, бугун дунё ўзи етиштирган озиқ-овқатнинг деярли бешдан бир қисмини шунчаки чиқиндига ташламоқда.
Бугун рақамли технологиялар ҳаётимизнинг ажралмас қисмига айланди. Интернет орқали билим олиш, хорижий тилларни ўрганиш, дунёнинг исталган нуқтасидаги ахборотдан фойдаланиш имкониятлари тобора кенгаймоқда.
Табиатда шундай жонзотлар борки, уларнинг миттигина фаолияти бутун инсоният ҳаёти учун катта аҳамият касб этади.
Бутун дунёда қуёш энергетикаси жадал ривожланмоқда. Ўзбекистон ҳам бу жараёнда фаол иштирок этяпти.
Бугун Ўзбекистонда лотин ёзувига асосланган ўзбек алифбосини такомиллаштириш масаласи яна кун тартибига чиқди. Таклиф этилаётган лойиҳада амалдаги o‘, g‘, sh ва ch шаклларини такомиллаштириш, шунингдек, ng ҳарф бирикмасининг мақомини қайта кўриб чиқиш назарда тутилган.
