Табиат ресурслари вазири Aзиз Aбдуҳакимов БМТнинг Озиқ-овқат ва қишлоқ хўжалиги ташкилоти (ФAО)нинг субминтақавий координатори Виорел Гуцу билан учрашув ўтказди.

Учрашувда Табиат ресурслари вазирлиги ҳамда БМТнинг Озиқ-овқат ва қишлоқ хўжалиги ташкилоти (ФAО) билан ҳамкорликда олиб борилаётган атроф муҳитни муҳофаза қилиш бўйича қўшма лойиҳалар ва келгусида амалга ошириладиган режалар муҳокама қилинди.

Учрашув давомида «яшил» иқтисодиётга босқичма-босқич ўтиш, шу билан бирга, экологик таълим ва маданиятни жорий этиш, ходимлар ва мутахассислар салоҳиятини ошириш, бу борада хорижий тажрибани қўллаш муҳимлиги қайд этилди.

ФAО ташкилоти томонидан озиқ-овқат хавфсизлигини таъминлаш, иқлим ўзгаришига қарши курашиш, сувни тежайдиган технологияларни жорий этишда қўшма лойиҳаларни амалга ошириш бўйича ҳар томонлама ёрдам кўрсатишга тайёр эканлиги билдирилди.

Учрашув давомида жорий йилнинг октабр ойида Самарқанд шаҳрида ўтказилиши режалаштирилаётган Ёввойи ҳайвонларнинг кўчиб юрувчи турларини сақлаб қолишга доир Конвенциянинг (CМС) 14-Томонлар конференцияси (CОП-14)ни ҳамкорликда юқори савияда ўтказишга келишиб олинди.

Табиат ресусрлари вазирлиги

матбуот хизмати