Ёшлар жамиятимиз таянчи, келажак истиқболидир. Мамлакатнинг эртанги тақдири уларнинг бугунги олиб бораётган интилиш ва изланишлари билан белгиланади.

Ёшларимиз бугун мамлакатимиз сиёсий майдонида ҳам ўз ўринларига эга бўлиб бормоқда. Aйни вақтда Олий Мажлис Қонунчилик палатаси ҳузуридаги Ёшлар парламентига сайловнинг вилоят босқичлари бўлиб ўтмоқда.

Фарғона шаҳридаги Солиқ техникумида Ёшлар парламентига сайловнинг вилоят босқичи бўлиб ўтди. Унда Ўзбекистон Экологик партияси Марказий кенгаши раиси ўринбосари, Олий Мажлис Қонунчилик палатаси депутати Камол Жуманиёзов ҳам иштирок этди.

Йиғилишда сўзга чиққанлар Ёшлар парламенти, унда иштирок этиш тартиб­лари бўйича йиғилганларга батафсил тушунтиришлар бериб ўтди. Фаол ёшлар партиянинг эсдалик совғалари билан тақдирланди.

*  *  *

Ўзбекистон Экологик партиясидан Олий Мажлис Қонунчилик палатаси ҳузуридаги Ёшлар парламентига аъзоларни сайлашнинг Самарқанд вилояти босқичи бўлиб ўтмоқда.

Иккинчи босқичда туманлардан сараланган номзодларнинг эришган ютуқлари, ло­йиҳа ва тақдимотлари кўриб чиқилмоқда. Номзодларни саралашда тузилган комиссия раиси сифатида вилоят партия ташкилоти раиси Бахтиёр Aбдуллаев номзодларнинг фаолияти билан бирма-бир танишиб, баҳолаб бормоқда.

Саралашнинг вилоят босқичида иштирок этаётган номзодларнинг тақдим этаётган лойиҳалари, фикр мулоҳазалари табиат ва жамиятга фойдалилиги билан аҳамиятли эканини таъкидлаш жоиз.