Якшанба
26-Октябр 2025
Олий Мажлис Қонунчилик палатасининг навбатдаги мажлисида «Гидротехника иншоотларининг хавфсизлиги тўғрисида»ги қонун лойиҳаси муҳокама қилинди, дея хабар берди ЎзА. Унда cув хўжалиги вазири Шавкат Ҳамроев маъруза қилиб, лойиҳанинг мазмуни ва аҳамияти тўғрисида маълумот берди:
– Республикамизда жами 73 та сув омбори ва сел сув омбори, 1688 та насос станцияси, 49 та гидроэлектростанция хўжаликлари мавжуд. Уларнинг аксарият қисмидан 40 йилдан ортиқ муддат давомида фойдаланилмоқда. Бу эса уларни ўз вақтида таъмирлаш-тиклаш ва реконструкция қилиш ҳамда замонавий асбоб-ускуналар билан жиҳозлаш ишларини амалга ошириш, техник соз ҳолатда сақлаш ҳамда уларнинг хавфсиз ва ишончли ишлашини таъминлашни талаб қилмоқда.
Амалдаги «Гидротехника иншоотларининг хавфсизлиги тўғрисида»ги қонун 1999 йилда қабул қилинган бўлиб, бугунги кун талабларига тўла жавоб бермайди. Шу мақсадда ишлаб чиқилган янги таҳрирдаги қонун лойиҳаси юртимиздаги мавжуд сув хўжалиги объектларини техник соз ҳолатда сақлаш, уларнинг хавфсизлигини таъминлаш ва улардан ишончли фойдаланишга хизмат қилади. Жами 7 боб, 35 моддадан иборат мазкур қонун лойиҳаси сув хўжалигини ривожлантириш, соҳага ажратилаётган бюджет маблағлари самарадорлигини таъминлаш, айниқса, сўнгги йилларда сув хўжалигида амалга оширилган иқтисодий ислоҳотлар, сув хўжалиги объектларини қуриш, улардан фойдаланишнинг ҳуқуқий асосини мустаҳкамлайди.
Лойиҳада гидротехника иншоотлари хавфсизлигини таъминлашнинг асосий принциплари, соҳадаги давлат сиёсатининг асосий йўналишлари аниқ белгиланмоқда. Шу билан бирга, етказилган зарар учун фуқаролик жавобгарлигини мажбурий суғурталаш, гидротехника иншоотларининг хавфсизлигини таъминлаш соҳасида хорижий давлатлар, халқаро ташкилотлар билан ахборот алмашиш масалалари ўз аксини топган.
Гидротехника иншоотлари зарур назорат-кузатув асбоб-ускуналари, шунингдек, фавқулодда вазиятлар ҳақида аҳолига зудлик билан хабар бериш тизими билан жиҳозланади. Иншоотларни лойиҳалаштириш, қуриш, реконструкция қилиш, таъмирлаш-тиклаш, консервация қилиш ва тугатиш ишларида хавфсизлик бўйича назорат кучайтирилади, – деди вазир.
Депутатлар қонун лойиҳаси юзасидан ўз фикр-мулоҳазаларини билдириб, савол ва таклифларини берди.
Сув омборларини суғурталаш нима беради?
«Гидротехника иншоотларининг хавфсизлиги тўғрисида»ги қонун лойиҳасига кўра, республикамиздаги мавжуд сув омборларини давлат бюджетидан суғурталаш масаласи кўзда тутилмоқда.
Сув хўжалиги вазири Шавкат Ҳамроевнинг таъкидлашича, мамлакатимиздаги сув омборларини суғурталаш 3,5 миллиард сўмга тушади. Вазир бу тартиб 2024 йилдан бошлаб жорий этилиши ва давлат бюджетида назарда тутилишини қайд этди.
Ушбу масалада сўз олган айрим депутатлар суғурталаш масаласига эътироз билдирди. Депутат Дониёр Ғаниев эса гидротехника иншоотларининг суғурталаниши ижобий ҳолат эканлигини қайд этди:
– Суғурта компанияларининг ҳам ўз талаблари бўлади. Агар уларнинг талабларига тўғри келмайдиган бўлса ёхуд сув омборида қандайдир муаммо бўлса, компания суғурта қилишдан қочади ва бу сигнал, огоҳлантириш бўлади. Гидротехника иншоотларининг суғурталаниши ҳам фуқаролар, ҳам давлат бюджети, ҳам суғурта бозори ривожига хизмат қилади, – деди депутат.
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Батафсил
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Батафсил
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Батафсил
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Ўзбекистон Президенти Шавкат Мирзиёевнинг очиқ ва прагматик ташқи сиёсати, узоқ ва яқин давлатлар билан ўзаро муносабатларни мустаҳкамлаш борасидаги ташаббуслари туфайли сўнгги йилларда қўшни, яқин ва узоқ мамлакатлар билан мутлақо янги – соғлом сиёсий ва иқтисодий алоқалар йўлга қўйилди.
Кеча Олий Мажлис Қонунчилик палатасининг навбатдаги йиғилишида халқимиз ҳаётини янада қулай ва фаровонлаштиришга қаратилган бир қатор қонун лойиҳалари кўриб чиқилди. Депутатларнинг қизғин муҳокамасидан ўтган лойиҳалар маъқулланиб, Сенатга юборилди.
