Якшанба
19-Апрел 2026
Маълумки, жорий йилнинг 11 октябрь куни Президентимиз раислигида ўтказилган видеоселектор йиғилишида «Яшил макон» умуммиллий лойиҳасининг кузги мавсумида амалга ошириладиган ишларни сифатли ташкил этиш юзасидан аниқ мақсад ва вазифалар белгилаб берилган эди.
Куни кеча Ўзбекистон Экологик партияси Марказий Кенгаши томонидан ушбу вазифалар ижросини таъминлашга бағишланган кенгайтирилган йиғилиш ўтказилди. Унда ҳудудий ва туман (шаҳар) партия ташкилотлари вакиллари (ZOOM иловаси орқали) иштирок этди.
Йиғилишда жорий йилнинг 20 октябридан 1 декабрига қадар эълон қилинган кўчат экиш бўйича долзарб 40 кунликда амалга ошириладиган чора-тадбирларни самарали ўтказиш масалалари муҳокама этилди. Жумладан, кўчат экиш акцияларини самарали ташкил этиш, жойларда ҳудудлар иқлимига мос мевали ҳамда манзарали дарахтларни танлаш бўйича тарғибот ишларини олиб бориш лозимлиги таъкидлаб ўтилди.
– Дарахт экиш бўйича «долзарб қирқ кунлик» партия ташкилотларимиз учун, қолаверса, табиатсевар ҳар бир инсон учун катта бир синов палласидир, – деди партия Марказий Кенгаши раиси ўринбосари Абдушукур Ҳамзаев. – Бу муҳим паллага қўшган озгина ҳиссамиз ҳам бир кун келиб табиатдан фарзандларимизга катта инъом бўлиб қайтади.
Марҳамат, партиямизнинг ҳар бир аъзоси, партиядан сайланган ҳар бир депутат бир донадан кўчат экиб намуна кўрсатса ҳам баҳорда юз минглаб дарахт яшилликка буркана бошлайди.
Жамоатчилик назорати, кўчат экиш тарғиботида партия ташкилотларимизнинг алоҳида фаоллиги талаб этилади.
Туман (шаҳар) марказларига ва дала четларига экспертлар гуруҳининг тавсиясига асосан экилаётган дарахтлар бўйича «Жамоатчилик назорати»ни олиб бориш бўйича тушунтиришлар берилди.
Бунда асосан, белгиланган жойларга мазкур экспертлар гуруҳи томонидан берилган тавсиясига асосан ҳар бир ҳудуднинг тупроқ ва иқлим шароитини ҳисобга олган ҳолда мевали ва манзарали дарахт ҳамда бута кўчатлари экилаётганлиги, уларнинг тур ва навларини тўғри танланганлиги, агротехника меъёрлари, касаллик ва зараркунандаларга қарши чидамлилигини ҳисобга олиш амалий ишлар қилинаётганлиги ҳамда белгилаб олинган кўчат ва дарахтлар сони экилаётганлиги, суғориш тизими мавжудлиги, масъуллар бириктирилганлигини ўрганиб борилади.
Йиғилиш якунида ҳудудий ва туман (шаҳар) партия ташкилотларининг таклиф ва фикрлари эшитилиб, галдаги вазифалар белгилаб олинди.
Бугун саноат тармоқларини ривожлантиришда нафақат иқтисодий самарадорлик, балки экологик хавфсизлик меъёрларига риоя этиш ҳам устувор вазифага айланди. Экологик партия вакиллари томонидан ишлаб чиқариш корхоналарида ўтказилаётган ўрганишлар айнан шу мақсадга йўналтирилган.
Батафсил
Маҳаллаларда халқ депутатлари томонидан ўтказилаётган сайёр қабуллар аҳолининг ҳаётий муаммоларини тинглаш, уларга амалий ечим топиш ва ижтимоий адолатни таъминлашда муҳим механизмга айланди.
Батафсил
Глобал иқлим ўзгариши шароитида сув ресурсларидан, айниқса, ер ости захираларидан оқилона ва тежамкорлик билан фойдаланиш стратегик аҳамиятга эга. Бу жараёнда соҳадаги норматив ҳужжатлар ижросини таъминлаш ва тизимли мониторинг тадбирларини ўтказиш экологик барқарорликнинг асосий гаровидир.
Батафсил
Бугун саноат тармоқларини ривожлантиришда нафақат иқтисодий самарадорлик, балки экологик хавфсизлик меъёрларига риоя этиш ҳам устувор вазифага айланди. Экологик партия вакиллари томонидан ишлаб чиқариш корхоналарида ўтказилаётган ўрганишлар айнан шу мақсадга йўналтирилган.
Маҳаллаларда халқ депутатлари томонидан ўтказилаётган сайёр қабуллар аҳолининг ҳаётий муаммоларини тинглаш, уларга амалий ечим топиш ва ижтимоий адолатни таъминлашда муҳим механизмга айланди.
Глобал иқлим ўзгариши шароитида сув ресурсларидан, айниқса, ер ости захираларидан оқилона ва тежамкорлик билан фойдаланиш стратегик аҳамиятга эга. Бу жараёнда соҳадаги норматив ҳужжатлар ижросини таъминлаш ва тизимли мониторинг тадбирларини ўтказиш экологик барқарорликнинг асосий гаровидир.
Сув ресурсларини тежаш ва қайта тикланувчи энергия манбаларидан фойдаланиш глобал экология кун тартибининг ажралмас қисмига айланган.
Мамлакатимизда истиқлолимизнинг ўттиз беш йиллик тўйига муносиб тайёргарлик кўриш ва уни юксак савияда нишонлаш борасидаги хайрли ишлар экологик ташаббуслар билан уйғунлашиб кетмоқда.
