Душанба
24-Август 2026
Ижтимоий тармоқлар орқали Боғот тумани Деҳқонобод маҳалласи ҳудудидаги 7-сон оилавий поликлиника олдидаги кўп йиллик манзарали дарахтларнинг кесилиши масаласи бўйича фуқаролардан мурожаат келиб тушди.
Мазкур мурожаат юзасидан Хоразм вилояти Экология ва атроф-муҳитни муҳофаза қилиш бошқармаси Боғот тумани бўлими томонидан Деҳқонобод маҳалласида ўрганишлар олиб борилди.
Ўрганиш давомида шу маҳаллада яшовчи фуқаро М.Х. томонидан 7-сон оилавий поликлиника олдидаги биологик соғлом бўлган ҳар хил катталикдаги жами 8 туп қайрағоч (гужум) дарахтини тегишли ташкилотлардан рухсат олмасдан ўзбошимчалик билан чопиб олганлик ҳолати аниқланди. Амалдаги қонунчиликка кўра, дарахтларни кесишга мораторий чекланмаган муддатга эълон қилинган ва тегишли ташкилотлар рухсатисиз бирор ўсимлик, айниқса дарахтга зиён етказиш қатъиян ман этилган.
Шунга қарамай фуқаро М.Х. Ўзбекистон Республикасининг «Табиатни муҳофаза қилиш тўғрисида»ги қонуни 21-моддаси ҳамда «Ўсимлик дунёсини муҳофаза қилиш ва ундан фойдаланиш тўғрисида»ги қонуни 37-моддаси талабларини бузган ҳолда биологик соғлом қайрағочларни кесишга жазм қилган. Афсуски бу дарахтлар ҳали узоқ йиллар шу ердагиларда ўз соя-салқини билан хизмат қилиши, тоза ҳаво улашиши мумкин эди. Аммо бир инсоннинг ўзбошимчалиги, манфаати учун қурбон бўлди.
Қонун барча учун баробар. Бугун дарахтларга ана шундай ўзбилармонлик билан шикаст етказган, уларни кесган инсонлар жаримага тортилиши муқаррар. Шу маънода, ушбу фуқаро қилган иши учун МЖтКнинг 79-моддаси 1-қисми билан БҲМ 5 баравари миқдорида жарима ҳамда 39 млн. 960 минг сўм табиатга етказилган зарар ҳисобланиб, маъмурий баённома расмийлаштирилди.
Эслатиб ўтамиз, вилоят экология ва атроф муҳитни муҳофаза қилиш бошқармаси томонидан мурожаатда кўрсатилган ҳудудда қурилиш остига тушган дарахтларни кесиш ва кўчириб ўтказиш учун ҳеч қандай рухсат берилмаган ва Давлат хизматлари агентлиги томонидан келган аризага рад жавоби берилган.
Ҳозирда ҳудуд вилоят экология бошқармасининг Боғот туман бўлими давлат инспекторлари томонидан назоратга олинган. Эндиликда бу ерда берухсат бирор дарахтнинг шохига ҳам зарар етмаслиги бўйича қатъий чора кўрилмоқда.
Хоразм вилоят Экология ва
атроф-муҳитни муҳофаза қилиш бошқармаси
Мамлакатимизда сўнгги йилларда экологик хавфсизликни таъминлаш, иқлим ўзгаришининг салбий оқибатларини юмшатиш, чўлланишга қарши курашиш, биохилма-хилликни сақлаш ва яшил ҳудудларни кенгайтириш давлат сиёсатининг устувор йўналишларидан бирига айланди.
Батафсил
Илгари туризм деганда кўз олдимизга беихтиёр Самарқанднинг нақшинкор гумбазлари, Бухоронинг салобатли миноралари ёки Хиванинг кўҳна деворлари келарди. Тўғри, бу тарихий обидалар миллий ғуруримиз, аждодларимизнинг бизга қолдирган бебаҳо мероси саналади.
Батафсил
Марказий Осиёда 26 миллиондан зиёд аҳоли қурғоқчиликдан жабр кўрмоқда. Минтақадаги 152 миллион гектардан ортиқ ер эса қурғоқчилик таъсирида қолган.
Батафсил
Мамлакатимизда сўнгги йилларда экологик хавфсизликни таъминлаш, иқлим ўзгаришининг салбий оқибатларини юмшатиш, чўлланишга қарши курашиш, биохилма-хилликни сақлаш ва яшил ҳудудларни кенгайтириш давлат сиёсатининг устувор йўналишларидан бирига айланди.
Илгари туризм деганда кўз олдимизга беихтиёр Самарқанднинг нақшинкор гумбазлари, Бухоронинг салобатли миноралари ёки Хиванинг кўҳна деворлари келарди. Тўғри, бу тарихий обидалар миллий ғуруримиз, аждодларимизнинг бизга қолдирган бебаҳо мероси саналади.
Марказий Осиёда 26 миллиондан зиёд аҳоли қурғоқчиликдан жабр кўрмоқда. Минтақадаги 152 миллион гектардан ортиқ ер эса қурғоқчилик таъсирида қолган.
Сурхондарё вилоятининг Қизириқ тумани қишлоқ хўжалиги ривожланган ҳудудлардан бири ҳисобланади. Бироқ кейинги йилларда ерларнинг шўрланиши ва сизот сувларининг сатҳи кўтарилиши экологик ҳамда ижтимоий жиҳатдан жиддий муаммога айланмоқда.
Шу кунларда мамлакатимиз бўйлаб ҳукм сураётган жазирама вақтида кўпчилик имкон қадар кўчага чиқмасликка ҳаракат қилмоқда. Соғлиқни сақлаш, фавқулодда вазиятлар масъул ходимлари ҳам бу ҳақда аҳолини огоҳлантирмоқда.
