Якшанба
19-Апрел 2026
Юртимизда куз-баҳор мавсумида «Яшил макон» умуммиллий лойиҳаси ўтказилганидан хабарингиз бор албатта. Лойиҳа доирасида миллионлаб ниҳоллар экилгани ҳақида кўп марта ёздик. Аммо энг қийин ва синовли давр энди яқинлашди. Олдинда ёзнинг уч ой жазирама иссиқ кунлари турибди. Ниҳолларни шу саратондан олиб чиқа олиш эса энг катта имтиҳон дейиш мумкин.
Шунинг учун ҳам юртимиз бўйлаб экилган ниҳолларнинг парвариши, суғорилишига алоҳида эътибор қаратилмоқда. Бу жараёнларда эса жамоатчилик назорати катта аҳамият касб этяпти. Жумладан, «Яшил макон» умуммиллий лойиҳаси доирасида жамоатчилик назоратини таъминлаш бўйича ўрганиш ишлари Наманган вилояти Чуст туманида ҳам жадал олиб борилмокда.
Бу галги ўрганиш жараёнлари Чуст туманидаги «Саримсоқтепа» МФЙда олиб борилди.
Ўзбекистон Экологик партияси Чуст туман кенгаши раиси М.Мухторхонова, халқ депутатлари туман Кенгаши депутати Г.Эргашев, «Саримсоқтепа» МФЙ раиси Т.Набижонов, ёшлар етакчиси Р.Тоҳирова ҳамда МФЙ фаоли С.Абдуллаевлар билан биргаликда «Яшил макон» умуммиллий лойиҳаси доирасида маҳалла ҳудудида экилган ниҳолларнинг парвариши ва суғорилиши бўйича кузатув ишлари олиб борилмоқда.
Ўрганишлар давомида «Саримсоқ тепа» МФЙда лойиҳаси доирасида жами 770 тупдан ортиқ мевали ва манзарали ҳамда терак кўчатлари экилган бўлиб, айни пайтда кўчатларнинг фуқаролар, ҳудудда жойлашган мактаб ҳамда МТТ ходимлари томонидан яхши парвариш қилинаётганлиги, уларнинг ям-яшил бўлиб кўкариб тургани аниқланди.
Маҳалла ҳудудида халқ таълимига қарашли 27-сонли умумий ўрта таълим мактабида ҳам 2000 туп терак қаламчалари ҳамда 4000 тадан ортиқ бодом кўчати ва қаламчалари экилган бўлиб, яшнаб турган ниҳоллардан мактаб маъмурияти уларнинг парваришини аъло даражада олиб бораётганини кўриш мумкин. Ҳудуддаги мактабгача таълим бўлимига қарашли 66-сонли МТТда ҳам экилган мевали ва манзарали дарахт кўчатлари яхши ўсиб, ривожланмоқда.
Маҳалладаги хонадонлар билан ҳам танишилганда, фуқароларнинг ниҳоятда миришкор эканликлари уларнинг хонадонларидаги эккан дарахтлари-ю, яшнаб турган турли хилдаги анвойи гулларидан маълум бўлди.
Ишчи гуруҳ томонидан ҳар бир кирилган хонадондагиларга атроф муҳит муҳофазаси, она табиатни асраб-авайлаш, чиқиндиларни тўплаш ва уларни белгиланган жойга ташлаш ҳақида тушунчалар берилди.
Ўзбекистон Экологик партияси
Наманган вилоят кенгаши
матбуот хизмати
Бугун саноат тармоқларини ривожлантиришда нафақат иқтисодий самарадорлик, балки экологик хавфсизлик меъёрларига риоя этиш ҳам устувор вазифага айланди. Экологик партия вакиллари томонидан ишлаб чиқариш корхоналарида ўтказилаётган ўрганишлар айнан шу мақсадга йўналтирилган.
Батафсил
Маҳаллаларда халқ депутатлари томонидан ўтказилаётган сайёр қабуллар аҳолининг ҳаётий муаммоларини тинглаш, уларга амалий ечим топиш ва ижтимоий адолатни таъминлашда муҳим механизмга айланди.
Батафсил
Глобал иқлим ўзгариши шароитида сув ресурсларидан, айниқса, ер ости захираларидан оқилона ва тежамкорлик билан фойдаланиш стратегик аҳамиятга эга. Бу жараёнда соҳадаги норматив ҳужжатлар ижросини таъминлаш ва тизимли мониторинг тадбирларини ўтказиш экологик барқарорликнинг асосий гаровидир.
Батафсил
Бугун саноат тармоқларини ривожлантиришда нафақат иқтисодий самарадорлик, балки экологик хавфсизлик меъёрларига риоя этиш ҳам устувор вазифага айланди. Экологик партия вакиллари томонидан ишлаб чиқариш корхоналарида ўтказилаётган ўрганишлар айнан шу мақсадга йўналтирилган.
Маҳаллаларда халқ депутатлари томонидан ўтказилаётган сайёр қабуллар аҳолининг ҳаётий муаммоларини тинглаш, уларга амалий ечим топиш ва ижтимоий адолатни таъминлашда муҳим механизмга айланди.
Глобал иқлим ўзгариши шароитида сув ресурсларидан, айниқса, ер ости захираларидан оқилона ва тежамкорлик билан фойдаланиш стратегик аҳамиятга эга. Бу жараёнда соҳадаги норматив ҳужжатлар ижросини таъминлаш ва тизимли мониторинг тадбирларини ўтказиш экологик барқарорликнинг асосий гаровидир.
Сув ресурсларини тежаш ва қайта тикланувчи энергия манбаларидан фойдаланиш глобал экология кун тартибининг ажралмас қисмига айланган.
Мамлакатимизда истиқлолимизнинг ўттиз беш йиллик тўйига муносиб тайёргарлик кўриш ва уни юксак савияда нишонлаш борасидаги хайрли ишлар экологик ташаббуслар билан уйғунлашиб кетмоқда.
