Экологик муаммолар ечими йўлида амалга ошириладиган ишларда «яшиллар партияси»нинг жамиятимизда қанчалик муҳим ўрин тутиши ҳаммамизга маълум.

Фаолия­тини бошлаганига унчалик кўп бўлмаган бўлса-да, бугун кўплаб табиат жонкуярлари, ёшлар Экопартияга аъзо бўлмоқда. Сабаби Ўзбекистон Экологик партияси юртимиз табиатини, ноёб ўсимлик ва ҳайвонот оламини асраш борасидаги ишлари билан халқ ишончига кириб бормоқда. Айниқса, ўтган йил ноябрь-декабрь ойларида «Яшил макон» умуммиллий лойиҳаси доирасида республикамиз бўйлаб дарахт экиш ишларида Экологик партия фаоллари ташаббусини алоҳида таъкидлаш лозим. Бу ўз навбатида аҳоли орасида «мен ҳам Экопартия сафига кирмоқчиман» дейдиган ёшлар сафи кенгайи­шига замин яратди.

– Биз ҳарбий хизматда бўлган вақтимиз хам худудимизга кўплаб дарахтлар экиб, боғ яратар, атроф муҳитни тоза сақлаш борасида қатор  ишларни амалга оширар эдик,

– дейди Санжар РАҲИМОВ. – Хизмат даврида эккан ниҳолларимиз барг ёзиб, амал олганида фахрланиб, ғурур ҳиссини туярдик. Ўша кезлар «хизмат муддатим тугаши билан Экопартияга аъзо бўламан, юртимиз яшиллигини ва мусаффолигини сақлашга ўз ҳиссамни қўшаман», дея ният қилгандим. Мана ниҳоят ниятимга етдим. Энди чин маънода экофаол бўлиб, нафақат юртимиз ва халқимиз ҳимоясига, балки табиатимиз, экооламни асраш, ҳимоя қилиш учун ҳам ҳаракат қиламан.

Ўзбекистон Экологик партияси Тошкент шаҳар партия ташкилотига  бугунги кунда истеъфога чиққан ҳарбийлар ҳам жалб қилиниб, улардаги партияни қўллаб-қувватлаш ва келгусидаги амалий ишларда жонбозлик кўрсатиб, ҳамкорликда ишлашга бўлган иштиёқини рағбатлантирмоқда. Улар ўзаро ҳамкорлик асосида партия сафига аъзоликка қабул қилинмоқда.

Бундай ватанпарвар аъзоларнинг борлиги барчамизни фахрлантиради. Келгусида янги аъзолар атроф муҳит ҳимоясида ташаббус намойиш этиб, жонбозлик кўрсатишига ишонамиз.

Ўзбекистон Экологик партияси

Тошкент шаҳар партия

ташкилоти