Чоршанба
24-Июн 2026
Мана, 2022 йил ҳам бошланди. «Оила ва табиат» газетасининг илк сонини сизларга тақдим этмоқдамиз.
Биласиз, газетамизнинг асосий мақсади – бугун кўпчиликнинг диққат марказида бўлиб турган экологик вазиятга жамоатчилик эътиборини қаратиш, муаммоларни таҳлил қилиш, мутахассислар фикрларини сизларга етказиш. Бир сўз билан айтганда, қалбида дахлдорлик туйғуси бор зийрак юртдошларимизни атроф муҳит муҳофазаси борасида жиддий мулоҳазаларга ундашни ният қилганмиз.
Экологик барқарорликка хавф солаётган табиий офатлар қайси йўл билан юзага келганидан қатъи назар уларга қарши самарали чоралар кўрилишини тақозо этади. Бу фикрда ҳамма якдил бўлса-да, тегишли чоралар нималардан иборат ва уларни кимлар қай тарзда амалга оширмоғи зарур каби саволларга аниқ жавоб йўқ.
Бу борада таҳлиллар ўтказиш, фикр билдириш, ҳамма ўзининг таклифларини айтиш учун «Оила ва табиат» газетаси айни минбар ҳисобланади.
Баъзида биргина инсоннинг она табиат учун ғамхўрлиги бутун жамиятга ўрнак бўлади. Шугина эмас, жамият бир кишининг шахсий ташаббуси воситасида катта ислоҳотларни амалга оширади. Бу каби ишлардан ҳаммага бирдай манфаат етади. Энг муҳими, биргина уйғоқ виждонли жонкуяр инсон катта муаммолар ечимига йўл очади. Бундай инсонлар, дейлик, табиат муҳофазаси учун зарур бўлган ҳар бир ишни ҳисоботлар тайёрлаш, маълумот бериш, бошқаларга кўрсатиш, обрў-эътибор қозониш учун эмас, ўзларининг қатъий виждон амри сифатида амалга оширади. Газетамиз ана шундай инсонларни фаол ҳамкорлик қилишга чорлайди.
«Оила ва табиат» газетасида шу кунгача чоп этилган кўплаб мақолалар, таҳлилий-танқидий чиқишлар ўқувчилар томонидан кенг эътироф этилди. Газета билан табиат ва инсон муносабатлари, экологияга оид билим ва тарбия содда ва халқчил тилда, ҳар бир хонадонга, ҳар бир оилага кириб бормоқда.
Матбуот нашрининг барқарор чоп этилиши унинг обунаси билан боғлиқ албатта. Шу боис ҳам сизлардан ушбу нашрни қўллаб-қувватлашни ва мамлакатимизда экологик муаммоларга қарши курашишда фаол иштирок этишни сўраймиз.
«Оила ва табиат» газетасига 2022 йил учун обуна давом этаётганини маълум қиламиз.
Таҳририят
Темир йўл транспорти соҳасида рақамлаштириш ва янги йўналишлар қурилиши борасида ижобий кўрсаткичлар кўзга ташланаётган бўлса-да, тизимнинг ички ҳолати, хизмат кўрсатиш сифати ва оддий йўловчилар учун яратилган шароитлар жиддий ислоҳотларга муҳтожлигини кўрсатмоқда.
Батафсил
Инсон саломатлиги ҳақида гап кетганда кўпинча овқатланиш, спорт ёки зарарли одатлар тилга олинади. Аммо инсоннинг ҳар куни қандай юриши, қанча ҳаракат қилиши кўп жиҳатдан унинг яшаётган шаҳри билан боғлиқ.
Батафсил
Яқинда ижтимоий тармоқларда кенг муҳокамаларга сабаб бўлган навбатдаги видео лавҳа жамоатчиликни ҳам ҳайратга солди, ҳам чуқур хавотирга қўйди.
Батафсил
Темир йўл транспорти соҳасида рақамлаштириш ва янги йўналишлар қурилиши борасида ижобий кўрсаткичлар кўзга ташланаётган бўлса-да, тизимнинг ички ҳолати, хизмат кўрсатиш сифати ва оддий йўловчилар учун яратилган шароитлар жиддий ислоҳотларга муҳтожлигини кўрсатмоқда.
Инсон саломатлиги ҳақида гап кетганда кўпинча овқатланиш, спорт ёки зарарли одатлар тилга олинади. Аммо инсоннинг ҳар куни қандай юриши, қанча ҳаракат қилиши кўп жиҳатдан унинг яшаётган шаҳри билан боғлиқ.
Яқинда ижтимоий тармоқларда кенг муҳокамаларга сабаб бўлган навбатдаги видео лавҳа жамоатчиликни ҳам ҳайратга солди, ҳам чуқур хавотирга қўйди.
Биз экология деганда, одатда, кўз билан кўриш мумкин бўлган манзараларни – мўрилардан чиқаётган қора тутунни, дарёларга оқизилаётган кимёвий оқаваларни ёки йўл четида сочилиб ётган пластик идишларни тасаввур қиламиз. Аммо бугунги кунда инсоният янги, «кўринмас», лекин хавфи тобора ортиб бораётган глобал экологик таҳдид билан юзма-юз турибди. Бу – рақамли чиқиндилар.
Ёшлар куни муносабати билан партия Марказий кенгашида ташкил этилган очиқ мулоқот ёшлар учун янги имкониятлар эшигини очди. Унда олий таълим муассасалари талабалари, ёш сиёсатчилар ва стартап ғоялари муаллифлари иштирок этиб, ўз таклиф ва ташаббуслари билан фаол қатнашдилар.
