«Яшил макон» умуммиллий лойиҳаси доирасида амалга оширилаётган ишларга Самарқанд вилояти Пастдарғом туманидаги «К-Элдор» кўп тармоқли фермер хўжалигимиз ҳам ўзининг муносиб ҳиссасини қўшмоқда.

Фермер хўжалигимиз 42-Гўзалкент сайлов округи ҳудудидаги барча маҳалла фуқаролар йиғинлари, ҳудуддаги таълим муассалари, корхона ва ташкилотлар ҳамда аҳоли хонадонларига иқлим шароитига мос бўлган мевали ҳамда манзарали дарахт кўчатлари экилишида бош-қош бўлмоқда.

Бугунги кунгача фермер хўжалигимиз далалари, маҳалла ҳудудидаги гузарлар, ички кўчалар, ариқ бўйлари, автомобиль йўл ёқаларига 10 минг туп, аҳоли хонадонларига 2 минг тупдан ортиқ турли хилдаги мевали ва манзарали дарахт кўчатлари ерга қадалди.

Дарахт кўчатлари турли хил бўлишига эътибор қаратилиб, жумладан, фермер хўжалиги далаларига ипак қурти учун мўлжалланган тут кўчатлари экилди. Бу нафақат атроф муҳит мусаффолиги, балки иқтисодий қиймати юқори бўлган пиллачилик соҳаси ривожи учун ҳам улкан аҳамият касб этади.

Бу ишлардан кўзланган асосий мақсад дарахт кўчатлари экишни янги босқичга кўтариш, атроф-муҳитга ғамхўрлик қилиш муҳимлиги ҳақида ёш авлодга ўргатиб бориш, ҳудудларнинг биологик хилма-хиллигини ҳимоя қилиш, асосийси инсонларнинг табиатга бўлган муносабатини ижобий томонга ўзгартиришдир.

Эркин ШЕРОВ,

Халқ депутатлари

Самарқанд вилоят кенгаши депутати