«Камолот» ЁИҲ Фарғона вилояти кенгаши ва бир қатор ташкилотлар ҳамкорлигида

Қувасой шаҳридаги «Ниҳол» оромгоҳида тарбия ва спорт-соғломлаштириш оромгоҳи ташкил этилди, дейилади ЎзА хабарида.

— Вояга етмаганлар ўртасида ҳуқуқбузарлик, жиноятчилик, гиёҳвандлик каби иллатлар тарқалишининг олдини олиш, ҳуқуқбузарлик содир этган ўсмирларни соғлом ҳаётга қайтариш, ёшларнинг маънавиятини юксалтириш, болалар спортини ривожлантиришга ҳисса қўшиш мақсадида тарбия ва спорт-соғломлаштириш оромгоҳи ташкил этилди, — дейди «Камолот» ЁИҲ вилоят кенгаши раиси ўринбосари Аҳаджон Акбаров. — Ушбу оромгоҳга ички ишлар идораларида профилактик ҳисобда турадиган вояга етмаган болалар жалб этилди.

Бу ерда мутахассислар иштирокида психологик семинар-тренинглар, гиёҳвандлик, ҳуқуқбузарлик ва диний экстремизмнинг инсон камолотига салбий таъсири ва унинг оқибатлари ҳақида суҳбатлар, ижодкорлар билан учрашувлар, спорт мусобақалари ўтказилди.