тафаккур қилувчиларни етиштириб бера оладими?

Ёшларнинг лойиҳаларини молиялаштириш учун 100  миллион доллар ажратилар экан...

Ўтган 2020 йилда ёшларнинг қарийб юз йилдан бери чиқаётган нашри – «Ёшлар овози» («Туркистон») банкрот туфайли чиқмай қолди. Ўша газета ҳам қанча-қанча ижодкор ёшлар учун минбар эди, озми-кўпми ёшлар муаммоларини кўтариб чиқаётганди. Бугунги ёшл ар газета ўқимайди дедик. Албатта ўқимайди, ахир биз уларни қўш қўллаб ўзимиз «тик-ток»га топширвордик-ку. Айримлар умрида газетани қўлига ҳам ушлаб кўрмаган, аслида тўрт қатор гапни ўқишга сиёғи ҳам йўқ бўлса-да, газетага қарши байроқ кўтариб чиқди.

Майли, бу ерда гап газета ҳақида эмас, гап натижага эришишда. «Камолот» иттифоққа айлантирилганда ҳам миллиардлаб пул ажратилган эди. Аммо ўша иттифоқ битта нашрини сақлаб қололмагани ажратилган пуллар қанчалик мақсадли ишлатилгани ҳақида шахсан менда шубҳа ўйғотади.

Ёшларни қўллаб-қувватлаш масаласини икки қўлимни кўтариб қувватлайман. Лекин ҳар бир тийин мақсадли сарфланиши, «тик-токер»ларни эмас, тафаккур қилишга қодир, билимли ва албатта саводли ёш авлодни тарбиялашга ишлатилиши тарафдориман...