Андижон вилояти Марҳамат туманидаги Алитепа маҳалласида фойдаланишга топширилган Эркин Воҳидов номидаги шахмат мактабида 100 га яқин ўқувчи маҳорат оширмоқда.
 

Тадбиркор Қобилжон Обидов ташаб­буси билан ёшларнинг бўш вақтини самарали ўтказиш мақсадида барпо этилган спорт масканининг лойиҳа қиймати 4 миллиард 300 миллион сўмни ташкил этди. Бу ерда шахмат ҳамда волейбол спорти бўйича машғулотлар йўлга қўйилган, дея хабар берди ЎзА. 
– Мактабга нафақат туман, балки вилоят бўйича ўқувчиларни жалб қилишни мақсад қилганмиз, - дейди мактаб директори Нажмиддин Умаров. – Машғулотлар учун замонавий шароит муҳайё. Шахмат залида бир вақтнинг ўзида 100 нафар ўқувчи машғулотда иштирок этиши мумкин.
Шунингдек, мактаб қошида шахмат ҳамда волейбол музейлари ташкил этилган бўлиб, у ерда шахмат ва волейбол тарихи, ушбу йўналишда хизмат кўрсатган спорт усталари, жаҳон чемпионатларида иштирок этган марҳаматлик спортчилар ҳақида маълумотлар, суратлар ҳамда соҳага оид мингга яқин китоблар жой олган.