Кийиниш – бу инсоннинг ташқи кўринишини ва характерини акс эттирадиган ташқи гўзаллиги саналади. Ҳар қандай шахснинг кийинишига қараб унинг қизиқиши ва қандайлигини билса бўлади.
Бугунги кунда кийиниш маданияти кундан-кунга ўзгариб, чет эллардан кириб келаётган турли замонавий модалар ёшлар орасида авж олмоқда. Бу Европа маданиятининг кириб келишидан далолат беради. Aтрофимиздаги айрим ёшлар кийиниши умуман бизнинг ўзбекчилигимизга тўғри келмайди. Буларга мисол тариқасида қиз болаларни турли тор, тиззаси йиртилган шим ва яна калта юпка кийиб очиқ-сочиқ юришларини айтсак, асло хато бўлмайди. Яна қизларимиз «Бу ҳам янги мода», – деб мақтаниб қўйишлари жуда ғалати.
Шу ҳам мода бўлибдими? Aхир бизнинг ўзбекона кийимларимиз қани? Бу ёшларимизнинг Европача маданиятга тақлиди десак, асло янгилишмаган бўламиз.
Дарҳақиқат, айрим қизларимизни кўча-кўйда «замонавий кийиниш»ларидан қиз болами, ўғил болами – фарқлаб бўлмайди. Aхир қизларимиз ўзимизнинг ўзбекона кўйлакларни кийишса, жуда ярашади ва ҳамма уларга ҳавас билан қарашмайдими? Шундай қизлар борки, ўзининг ўзлигини англаган, чиройли хушбичим, ўзбекона кийимларини кийиб, барчага ўрнак бўлиб юради. Мана шу ҳақиқий гўзаллик аслида.
Кийиниш маданияти тикланиши йўлида билим даргоҳларида «Момом кийган либослар» тадбирлари ўтказилмоқда. Бундай тадбирлар ўсиб келаётган ёш авлодни комил инсон қилиб тарбиялашда муҳим аҳамиятга эга.
Aсадбек ЮСУФБОЕВ,
Хоразм вилояти Шовот тумани
51-умумтаълим мактабининг
11-синф ўқувчиси
Оила ва никоҳ – муқаддас қадрият
🕔16:36, 02.05.2024
✔26
Оила жамиятнинг асосий бўғини сифатида қадрланади. Оила қанчалик мустаҳкам бўлса, жамият шу қадар фаровон ва барқарор ривожланади. Бу борада халқ депутатлари Кўкдала туман Кенгашига Ўзбекистон Экологик партиясидан сайланган депутат, тумандаги «Олтин бошоқ» маҳалласи хотин-қизлар фаоли Дилноза Эшмаматованинг олиб бораётган ишлари таҳсинга лойиқ.
Батафсил
Еттинчи синфда унаштирув
🕔15:57, 08.01.2024
✔123
ёхуд эски «сценарий» мутасаддиларга нега ҳамон манзур бўлмоқда?
Батафсил
Оилада мaънaвий-axлoқий иқлим мўътaдиллиги
🕔17:36, 23.11.2023
✔200
Уни барқарорлаштиришда нималарга эътибор қаратиш зарур?
Батафсил