Ўзбекистон Республикаси Маданият вазирлигида «Ёшларнинг бўш вақтини мазмунли ташкил этиш ҳамда маънавиятини юксалтиришда маданият марказлари ва музейлар фаолиятининг ўрни» мавзусидаги мулоқотда шу масала муҳокама қилинди.  

Бунга ўз фикрини билдирган Камолиддин Беҳзод номидаги миллий рассомчилик ва дизайн институти музейшунослик кафедраси мудири Камола Нишонова айнан шу олий даргоҳни битирган мутахассисларга юқори талаб қўйилаётганини, улардан бир вақтнинг ўзида хорижий тилларни билиш, компьютер саводхонлиги ҳамда фотографияни тушуниш, ҳужжатлар билан ишлаш кўникмаси билан бирга юридик билимга эга бўлиш ҳам талаб қилинаётганини айтиб ўтди. Шулардан келиб чиқиб, мазкур олий ўқув юртида айни пайтда таълимнинг янада чуқурлаштирилган услублари жорий қилинмоқда.

Маданият марказлари ва музейларга ёшларнинг ташрифи қай даражада йўлга қўйилган? Мавжуд аҳволни яхшилаш учун нималар қилиш керак? Соҳа мутахассислари шу ва шунга ўхшаш саволларга жавоб берди.