Шанба
25-Октябр 2025
«Ҳазорасп-Бўстон» йўналишида автобус қатнови йўлга қўйилмагани аҳоли норозилигига сабаб бўлмоқда.
Бўстон қишлоғи Ҳазораспнинг Амударё соҳилига туташ, марказдан олисроқда жойлашган ҳудуд саналади. Бу ерда ўн мингга яқин аҳоли истиқомат қилади.
— Кўпчилик болалар туман марказидаги мактаб-интернатлари ёки касб-ҳунар коллежларига таксида қатнаб ўқишади. Такси ҳақи эса қиммат. Агар қишлоғимизда автобус қатнови йўлга қўйилса, ёшларимиз учун катта бир имконият яратилган бўлар эди, — дейди «Қовунчи» маҳалласида яшовчи фуқаро Г. Қадамбоева.
Бир пайтлари ушбу ҳудудга «Ҳазорасп-Отов» йўналишида автобус ва маршруткалар қатнаган экан. Отов – Бўстон қишлоғига қўшни бўлган Боғот туманига қарашли ҳудуд. Бундан келиб чиқадики, Боғот туманининг Қипчоқ, Бўка ва Тўпчи маҳаллаларидан ҳам ўғил-қизлар Ҳазорасп туман марказига қатнаб ўқишади. Шунингдек, бу ҳудудда марказга ишга қатновчилар ҳам талайгина.
— Одам дегани иссиқ жон. Кимдир касал бўлиб шифохонага қатнайди. Кимдир ётиб даволанаётган яқинларини кўргани боради. Автобус йўқлигидан оддий халқ жуда қийналади, — дейди яна Г.Қадамбоева.
— Автобус қатновини йўлга қўйишни талаб қилиб, бир неча йилдан буён тегишли мутасадди ташкилотларга мурожаат қилиб келамиз, — дейди боғотлик фуқаро Н.Рўзимов. — Олдинига фақат Ҳазорасп туман марказида бозор бўлиши инобатга олиниб, сешанба, пайшанба, шанба ва якшанба кунлари автобус қатнови йўлга қўйилди. Шунисига ҳам рози эдик, аммо бу қатнов ҳам тўхтатиб қўйилганига 5-6 йил бўлди.
Ҳазорасп тумани Қовунчи маҳалласи фуқаролари билан суҳбатлашганимизда улар сектор раҳбарлари ва бошқа мутасаддилар билан бўлиб ўтаётган учрашув ва қабулларда бу масалани кўп бора ўртага ташлашганини очиқлашди. Бироқ бу талаб ва таклифга ҳеч ким эътибор қаратмаётгани бугунгача болалар ўқишга таксида қатнаётганидан ҳам билиш мушкул эмас. Айниқса, қиш кунларида қатнов янада қийинлашиши, шу билан бирга нархлар ҳам ўсиб бориши сир эмас. Бундай ҳолатлар аҳолига янада қийинчилик туғдиради. Аҳоли эса мутасаддилар бу масалани ўрганиб чиқиб, етарлича эътибор қаратиши ҳамда муаммога ижобий ечим топилишидан умидвор.
Рақамли иқтисодиёт трансформацияси шароитида «Сервис давлат» тизими давлат хизматларини кўрсатиш самарадорлигига қандай таъсир кўрсатаётгани, уларни нафақат қулай, балки экологик жиҳатдан ҳам тозароқ қилиш масаласи айниқса долзарбдир.
Батафсил
«Телевизорни пасайтир!», «Секинроқ гапир, бақирма!», «Шовқин солма!», «Деразани ёп, жудаям шовқин!..»
Батафсил
Мамлакатимизда аҳолининг автомобилдан фойдаланиши муттасил ўсаётгани яхши кўрсаткич албатта. Бироқ, бу ўз навбатида янги экологик ва иқтисодий муаммоларни вужудга келтирмоқда. Шулардан бири – автомобиль шиналари чиқиндиларини утилизация қилиш масаласидир.
Батафсил
Рақамли иқтисодиёт трансформацияси шароитида «Сервис давлат» тизими давлат хизматларини кўрсатиш самарадорлигига қандай таъсир кўрсатаётгани, уларни нафақат қулай, балки экологик жиҳатдан ҳам тозароқ қилиш масаласи айниқса долзарбдир.
«Телевизорни пасайтир!», «Секинроқ гапир, бақирма!», «Шовқин солма!», «Деразани ёп, жудаям шовқин!..»
Мамлакатимизда аҳолининг автомобилдан фойдаланиши муттасил ўсаётгани яхши кўрсаткич албатта. Бироқ, бу ўз навбатида янги экологик ва иқтисодий муаммоларни вужудга келтирмоқда. Шулардан бири – автомобиль шиналари чиқиндиларини утилизация қилиш масаласидир.
Бугун дунё аҳли табиий ресурслардан оқилона фойдаланиш экологик барқарорликнинг асоси эканини якдиллик билан эътироф этмоқда. Юртимизда бу борада янги ислоҳотлар жорий этилаётгани мамалакат равнақи учун долзарб қадам сифатида қараляпти.
Биз ўзимизни «болажон халқ» деб биламиз. Фарзандимизнинг кулгусидан олам чароғон бўлишига, унинг беғубор нигоҳидан қалбларимиз эришига ишонамиз. Ҳар бир болани «жигарбандим», «кўзимнинг оқу қораси» дея ардоқлаймиз. Аммо шу муқаддас туйғулар пардаси ортида аччиқ ва шафқатсиз ҳақиқат яшириниб ётганини тан олиш вақти келмадими?
