Халқ таълими вазири Шерзод Шерматов «Дарё» интернет-нашрига берган интервьюсида мажбурий мактаб формаси 2019/2020-ўқув йилида ихтиёрий бўлиб, бу ҳақда ҳукумат қарори қабул қилинишини таъкидлади.
 

«Формани жуда кўп муҳокома қилса бўлади. Ижобий томонини ҳам, салбий томонини ҳам. Лекин, шошилиш керак эмас. Бизда озгина шошиш бўлаяпти. Мактаб формаси ўтган йили мажбурий эмас, ихтиёрий бўлди. Янги ўқув йилида мажбурий қилсак, шошилиш бўлиб қолади», — дейди Шерзод Шерматов.
Вазирнинг айтишича, 1-синфдан 11-синфгача мактаб формасини тикиш жуда катта ҳажмни ташкил қилиб, Ўзбекистон тўқимачилик саноати бу вазифани уддалай олишига ҳам саволлар бор. «Ота-оналар ташвишланмаса бўлади, яқин орада қарор чиқади. Янги ўқув йилидан мактаб формаси мажбурий бўлмайди. Мактаб формаси босқичма-босқич жорий қилинади», — дейди вазир.