Ўзбекистон касаба уюшмалари Федерацияси кенгаши ўтказган «Энг яхши ёш ишчи касб эгаси» республика танлови якунланди.

Илк маротаба уч босқичда ўтказилган танловда иштирокчилар 7 номинация бўйича ўз маҳоратини намойиш этди. Уларнинг билим ва маҳорати 2 турда – назарий (соҳага доир тест саволлари) ҳамда амалий (касбий-амалий топшириқларни бажариш) синов шаклида ўтказилди. Танловнинг биринчи босқичида 25 ёшгача бўлган 2,5 минг нафарга яқин ёш ишчи мутахассислар ҳамда касб-ҳунар коллежлари битирувчилари иштирок этди, иккинчи босқичда 461  ёш ишчи қатнашди.

Якуний босқичда 84 ёш иштирокчи, аввало, меҳнат муҳофазаси қоидалари билан батафсил таништирилди. Сўнгра соҳага оид тест саволларига жавоб бериб, амалиётда ўз маҳоратларини намойиш этди. Ҳакамлар ҳайъати хулосасига кў­ра 1, 2, 3-ўринни қўлга киритган иштирокчилар махсус диплом ҳамда барча қатнашчи эсдалик совғалари билан тақдирланди.

Энди ғолиблар жорий йилнинг 24 августида бўлиб ўтадиган «Ёш мутахассислар» IV Республика Форумида иштирок этади.