«Ўзбекистон ҳаво йўллари» Миллий авиакомпанияси Наврўз байрами муносабати билан ички рейсларга 30 − 50 фоизли чегирмалар эълон қилди. Бу ҳақда компания матбуот хизмати хабар берди.

Байрам чегирмалари қуйидаги шахсларга тақдим этилади:
Якка шахсларга — 30 фоиз;
Сайёҳлар гуруҳи (беш кишидан ортиқ), мактаб ўқувчилари, коллеж, лицей ва олий таълим муассасалари талабалари ҳамда махсус таълим муассасалари ўқувчилари ва тингловчилари — 40 фоиз;
Оилалар (икки кишидан — эр ва хотин, эр, хотин ва уларнинг 18 ёшгача болалари; 18 ёшгача фарзанди билан ота ёки она) — 50 фоиз;
Нафақахўрлар ва ногиронлиги бўлган шахслар — 50 фоиз;
1941−1945 йиллардаги уруш қатнашчилари ва уларга тенглаштирилганлар, шунингдек , Иккинчи жаҳон уруши йиллари орден ва медаллар билан мукофотланган шахслар — 50 фоиз;
Чернобль АЭС фожиаси оқибатларини бартараф этишда иштирок этганлар — 50 фоиз.