7-8 октябрь кунлари «Масжид ва мадрасалар учун китоб акцияси» доирасида Қашқадарё вилоятининг Қарши, Нишон, Касби ва Миришкор туманларидаги 43 та масжидга жами ҳисобда 52 миллион сўмлик 2021 та китоб етказиб берилди.

Бу ҳақда «Вақф» хайрия жамоат фонди матбуот хизмати ахборотига асосланиб daryo.uz хабар тарқатган. 

Масжидларнинг ҳар бирига «Қуръони карим», шайх Муҳаммад Содиқ Муҳаммад Юсуф қаламига мансуб «Одоблар хазинаси» тўплами, «Руҳий тарбия» тўплами, «Ҳадис ва ҳаёт» китобидан 9 та жуз, «Муҳаммад соллаллоҳу алайҳи васалламга содиқ Муҳаммад содиқ», «Зикр аҳлидан сўранг» китобидан 7 та жуз, «Олтин силсила» 4, 6-жузи, «Ислом тарихи», «Мўминнинг қалқони», «Очиқ хат» китоблари, шу билан биргаликда, масжид аҳли учун керакли деб ҳисобланган бир қатор адабиётлар Аллоҳ йўлида вақф мулки қилиб берилди.

Тўпланган маблағлар эвазига вилоятлардаги масжидларга китоблар олинади. Ҳозирги кунгача 306 та масжид уламолар томонидан ёзилган энг сара асарлар билан таъминланди.