Бу йил «Соғлом она ва бола йили» Давлат дастури доирасида Самарқанд, Гулистон, Урганч шаҳарларидаги болалар кўп тармоқли тиббиёт марказлари

ва Тошкент педиатрия тиббиёт институти клиникаси капитал таъмирланиб, жиҳозланади.

Бу ҳақда Соғлиқни сақлаш вазирлиги ўтказган «Оналар ва болалар саломатлигини муҳофаза қилиш борасидаги устувор масалалар: амалиёт, тажриба ва истиқболдаги вазифалар» мавзуидаги матбуот анжуманида маълум қилинди. Айтилишича, 38 туман тиббиёт бирлашмасининг бўлимлари ва туғруқ мажмуаларини реконструкция қилиш ва жиҳозлаш, 11 оилавий поликлиника ҳамда 244 қишлоқ врачлик пунктини капитал-жорий таъмирлаш ишлари ниҳоясига етказилади. Республика болалар таянч-ҳаракат тизими касалликлари реабилитация марказининг 100 ўринга мўлжалланган даволаш-ташхис қўйиш корпусини қуриш ва жиҳозлаш, Хоразм вилоятидаги болалар силга қарши санаторийсини капитал таъмирлаш кўзда тутилмоқда.