Навоий вилояти ИИБ тизимида жисмоний ва юридик шахсларнинг мурожаатлари билан ишлаш, ҳал этишга юзаки ёки расмиятчилик билан ёндашиш ҳолатлари сабабли, жорий йилнинг саккиз ойи мобайнида тушган 6 минг 552 та мурожаатнинг 2 003 таси ёки ҳар учинчиси аҳолига паспорт хизматларини кўрсатиш масалаларига доир бўлиб, уларни кўриб чиқишда эса қатор камчиликларга йўл қўйилаётгани аниқланди.

Бу Ички ишлар вазири Пўлат Бобожонов раҳбарлигидаги ишчи гуруҳнинг 4-6 сентябрь кунлари Навоий вилоятининг барча шаҳар ва туманларида бўлиб, ички ишлар органларида ўтказилган ўрганиш натижаларида айтиб ўтилди.

Жиноятчилик кескин камайганига қарамасдан, содир этилган жиноятлар ҳар 100 минг аҳоли сонига нисбатан ҳисобланганда республикада учинчи ўринни эгаллаётгани, бир қатор туманларда жиноятчиликка қарши курашиш борасидаги ишлар салбий баҳоланди, дейилади вазирлик Жамоатчилик ва оммавий ахборот воситалари билан алоқалар бошқармаси материалида.