Тутунсиз ва мазутсиз иссиқхоналар: Ўзбекистон олимларидан инновацион ечим
Ўзбекистон Фанлар академияси Материалшунослик институти олимлари иссиқхоналарни ҳеч қандай ёқилғи ишлатмасдан иситиш имконини берувчи технологияни тақдим этишди.
БатафсилКечки сайр баҳонасида пойтахтимизнинг гўзал гўшаларидан бири — «Шаҳидлар майдони»га бордик. Болалар сув бўйида югуриб ўйнаб юришибди.
Бир пайт сув ёқалаб кўприк тагидан ўтаётган эдик, кимдир «ув-в-в, табриклаймиз», деб бақирганча юқоридан бир талай атиргул япроқларини улоқтирса денг. Бир ярим ёшли ўғлим қўрққанидан йиғлаб юборди. Қарасак, икки қиз ва тўрт йигит пастда қадаҳ уриштиришмоқда. Тепадан эса япроқ «ёмғири» ёғмоқда. Билишимча, ораларидаги бир қизнинг туғилган кунини нишонлашмоқда. Бир онда тепадаги икки йигит ҳам атиргулларни отиб бўлгач, пастга тушишди. Кўприк ости ўтиш йўлаги япроқ билан қопланди. Ёшлар кейин роса шу гуллар устида «селфи»га тушишди. Кейин майсазор устига ўтиб «байрам»ни давом эттиришди. Ҳамма жой тўзғиганча қолди. Бир четда бўшаган шиша... Шунда ҳудуднинг тозалигига маъсул икки аёлнинг суҳбати қулоғимга чалинди: «Ҳеч бу тарбиясизлардан қутулмас эканмиз-да, яна ҳамма жойни расво қилишди, ҳар куни шу аҳвол».
Ҳақли бир савол туғилади: бу ер туғилган кун нишонлайдиган кафе ёки ресторанми? Ёки маданий ҳордиқ чиқарадиган сайилгоҳми? Наҳотки, бу ёшларни тартибга чақирадиган бирор масъул топилмаса? Аслида бундай гул баргларини сочиб табриклаш қаердан кириб келди? Ижтимоий тармоқларда машҳур хонандалару актрисалар уларни ким қандай табриклаб, қанча гул сочганигача реклама қилишади одатда. Ёшлар эса ўшалардан андоза олиб бўлишди. Кимдир севган қизининг уйи ёнига шамдан юрак ясаган, кимдир гулдан «иморат» қурган, яна кимдир пойандоз тўшаб, ўртасига узук қўйган. Хўш, бу ишларни ким тарғиб қилмоқда? Албатта, бунда ота-оналарнинг ҳам айби бор. Қайси ориятли ота ёки она ўғил-қизига ёки опа-синглисига маҳаллада шундай «романтика» уюштиришини қўллаб-қувватлаяпти? Бир сўз билан айтганда, бир томонда исрофгарчиликларни камайтиришга уринсак, бошқа томондан янги «анъаналар» келиб қўшилмоқда. Ҳар биримиз ён-атрофга синчков бўлиб, миллийлигимизга ана шундай номаъқулчиликларнинг олдини олишга ҳисса қўшмасак, ўша ёшларга икки оғиз насиҳат қилмасак, бу урчиб бораверади. Эртага ёшлар кўнгли яна бошқа «табрик»лару «изҳорлар»ни тусаб қолмасин тағин?
Умидахон ТИЛАВБЕКОВА
Ўхшаш мақолалар
Экологик маданиятли одам соғлом турмушни танлайди
Ўзбекистон Экологик партияси томонидан Қашқадарё вилоят ҳокимлиги, вилоят спорт бошқармаси ҳамкорлигида Қарши шаҳрида Ўзбекистон Президентининг «2030 йилгача бўлган даврда аҳолининг экологик маданиятини юксалтириш концепциясини тасдиқлаш тўғрисида»ги Қарори ижроси юзасидан «Соғлом турмуш тарзи ва мусаффо табиат – узоқ умр гарови!» мавзуида аёллар экофоруми ўтказилди.
Батафсил
Ўзбекистон – АҚШ: Инклюзив ҳамкорлик ва парламентлараро мулоқотда амалий қадамлар
Бугунги кунда жаҳон сиёсати янги воқеликлар ва ўзаро тенг манфаатлар майдонига айланмоқда. Геосиёсий жараёнлар тобора мураккаблашиб, минтақавий хавфсизлик, иқтисод ва экология соҳаларида глобал ҳамкорликнинг аҳамияти ортмоқда. Шу нуқтаи назардан Марказий Осиё минтақасининг дунё харитасидаги ўрни ва роли алоҳида аҳамиятга эга.
Батафсил
Кўп ўқилганлар
-
Тутунсиз ва мазутсиз иссиқхоналар: Ўзбекистон олимларидан инновацион ечим
Ўзбекистон Фанлар академияси Материалшунослик институти олимлари иссиқхоналарни ҳеч қандай ёқилғи ишлатмасдан иситиш имконини берувчи технологияни тақдим этишди.
-
Экологик маданиятли одам соғлом турмушни танлайди
Ўзбекистон Экологик партияси томонидан Қашқадарё вилоят ҳокимлиги, вилоят спорт бошқармаси ҳамкорлигида Қарши шаҳрида Ўзбекистон Президентининг «2030 йилгача бўлган даврда аҳолининг экологик маданиятини юксалтириш концепциясини тасдиқлаш тўғрисида»ги Қарори ижроси юзасидан «Соғлом турмуш тарзи ва мусаффо табиат – узоқ умр гарови!» мавзуида аёллар экофоруми ўтказилди.
-
Ўзбекистон – АҚШ: Инклюзив ҳамкорлик ва парламентлараро мулоқотда амалий қадамлар
Бугунги кунда жаҳон сиёсати янги воқеликлар ва ўзаро тенг манфаатлар майдонига айланмоқда. Геосиёсий жараёнлар тобора мураккаблашиб, минтақавий хавфсизлик, иқтисод ва экология соҳаларида глобал ҳамкорликнинг аҳамияти ортмоқда. Шу нуқтаи назардан Марказий Осиё минтақасининг дунё харитасидаги ўрни ва роли алоҳида аҳамиятга эга.
-
ЮНЕСКО ёшлар форуми: Иқлим ўзгариши муаммолари ва ечимига асосий эътибор қаратилди
Самарқандда бошланган ЮНЕСКО Бош конференциясининг 43-сессияси доирасида қадимий шаҳарда ЮНЕСКОнинг 14-Ёшлар форуми бўлиб ўтди.
-
Сунъий интеллект ва энергетика инқирози: ChatGPT учун ким тўлайди?
Бугун техник имкониятлар яшин тезлигида ривожланиб бормоқда. Ҳатто бошланғич синф ўқувчиси ҳам сунъий интеллект нималигини ва ундан фойдаланишни билади. Албатта, бу жуда кўп-кўп соҳаларда катта ижобий имкониятларни бермоқда. Ҳа, сунъий интеллект имкониятларини биз ҳали тўлиқ баҳолай олганимизча йўқ. Аммо танганинг иккинчи томони борлигини унутмаслигимиз зарур.