Президентимизнинг 2018 йил 23 мартдаги «Банк хизматлари оммабоплигини ошириш бўйича қўшимча чора-тадбирлар тўғрисида»ги қароридан сўнг соҳада қандай ўзгаришлар амалга оширилмоқда?

Марказий банк ва Журналистлар ижодий уюшмаси ҳамкорлигида оммавий ва электрон ахборот воситаларининг банк мавзусини ёритадиган журналистлар малакасини ошириш бўйича тўрт кунлик семинар ташкил этилди.

— Бугун тижорат банкларининг барчасида тўловлар кечиктирилмай берилмоқда, — дейди Марказий банкнинг Пул-кредит сиёсати департаменти бошқарма бошлиғи Нодирбек Очилов. — Кредитларнинг қайтарилиши масаласида ҳам муаммолар юзага келгани йўқ. Тадбиркорлар банкдан чекланмаган миқдорда валюта сотиб олишлари мумкин. Шунингдек, тадбиркор 20 минг долларлик маҳсулотини шартнома тузмай экспорт қилиш ҳуқуқига эга. Эскирган, яроқлилик муддати ўтган ускуна учун кредит берилмайди.